FONGTIL ho PDHJ Kooperasaun Servisu iha Direitus Humanus

Naunil Media(Díli), Forum Organizasaun Noun Governmental NGO FONGTIL hasoru malu ho providoria Direitus Humanus i justisa(PDHJ) hodi ko’alia konaba  reforsa komunikasaun , kooperasaun no kordenasaun Direitus Umanus nian.

Tuir Providoria Direitus Humanus i Justisa Jesuina Maria Fereira Gomes, Hateten objetivu husi hasoru malu ne’e atu haforsa kooperasaun entre FONGTIL ho PDHJ liga atendementu keisa husi vitima sira. Tanva dalabarak vitima sira hato’o keisa ba liu de’it FONGTIL.

“objetivu ohin ne’e atu reforsa kooperasaun no kordenasaun entre FONGTIL no PDHJ liu- liu liga ba iha atendimentu kesar, oinsa bele ajuda no  fasilita sidadaun sira atu bele hetan  asesu hodi kesar mai iha PDHJ nomós atu reforsa tan koperasaun ne’e, tanba kesar sira ne’ebe Fontil simu bele kanaliza ba iha PDHJ, nune’e PDHJ bele halo tuir prosedimentu hodi fó atendimentu ba kesar sira ne’e”, Dehan Providoria Jesuina Maria Fereira Gomes ba Jornalista sira hafoin hasoru malu ho Diretór FONGTIL, iha edifisiu PDHJ Kaikoli, (07/05).

Nia hatutan,  Bainhira vitima sira hakarak atu hato’o keiza bele direita, bele liuhusi via telefone, no bele liuhusi karta ou reprezentante instituisaun balun atu bele kanaliza fali ba parte PDHJ.

 “Ha’u hanoin kesar atu mai to’ o iha PDHJ ne’e, bele mai direita iha ne’e sira bele liu husi Telefone, karta no bele mos  liu husi representante sira hanesan FONGTIL sira ne’e meius ida ne’ebe mak atu hato’o  kesar ba iha PDHJ. Se sira ba uluk FONGTIL , FONGTIL bele kanaliza fali kesar sira ne’e mai iha PDHJ,  tanba ne’e mak reforsa tan koperasaun sira ne’e para atu mellra kanalizasaun informasaun sira iha FONGTIL mai iha PDHJ. Tanba PDHJ maka iha knar konstitusional atu regista kesar sira ne’e, atu halo apresiasaun ba kesar, loke investigasaun , loke konkluzaun no halo rekomendasaun”, Providoria esplika.

Nia Salienta, PDHJ ho Sosiedade sivil FONGTIL nia kooperasaun ne’e keleur ona, la’o di’ak tebes liu- liu iha rede Defensor Direitus Humanos ne’e kompostu husi PDHJ iha laran, Ministeriu Justisa, sosiedade Sivil lao di’ak tebes,  tanba iha serka sanitaria no komfinamentu obrigatorio persiza reforsa tan informsaun ba malu, entaun  PDHJ iha nia limitasaun labele kobre munisipiu hotu. Ne’ebe ho ezistensia FONGTIL ne’ebe iha munisÍpiu sira hotu bele partilla informsaun no kanaliza informsaun ne’ebe sira hetan konaba violasaun  Direitus Humanus no boa governasaun ne’ebé mak PDHJ la halo koberura ba bele hato’o informsaun  mai iha ne’e.

Iha sorin seluk, Diretór FONGTIL Daniel dos Santos akresenta, objetivu husi reuniaun ne’e FONGTIL ho PDHJ atu dinamiza meius komunikasaun oinsa atu hatan ba Violasaun Direitus Humanus ne’ebé mak iha.

“ohin FONGTIL ho provijoria Direitus humanus halo reuniaun ho PDHJ atu dinamiza ita nia mekanismo komunikasaun, mekanismu koordenasaun oinsa atu bele fo resposta ba aktus violasaun Direitus humanos ne’ebe mak halo husi ita nia ajentes estadus sira liu-liu membru PNTL sira”, Diretór realsa.

Diretor haforsa, durante estadu emerjensia no serka sanitaria ne’e kuaze vitima barak maka hato’o keiza ba iha FONGTIL, entaun FONGTIL ho PDHJ halo agresivu liu tan hodi bele atende ba keisa sira ne’ebé mak iha.

“hanesan ita hotu hatene katak Durante estadu emerjénsia no komfinamentu obrigatoriu kuaze violasaun Direitus humanos ne’ebe akontese ita nia populasaun hato’o ba iha forum organizasaun FONGTIL depois ita enkamina ba PDHJ. Entaun  Oinsa maka komunikasaun ativu  entre FONGTIL no PDHJ agresivu liu tan, liu-liu PDHJ ninia ema sira ne’ebe destaka iha reijiaun sira nomós  iha Dili, atu agresivu liu tan atu bele fo resposta ba ita nia populasaun sira ne’ebe hasoru Violasaun Direitus humanus”, Nia esplika. Rit