Kazu Lahane, MUTL Husu PNTL Fila ba Uma Rai Pistola

Naunil Media (Díli),Relasiona ho Problema ne’ebé mak akontese iha aldeia Ainitas-hun suku Lahane ocidental, postu administrativu, Vera Cruz munisípiu Díli, iha Oras 2:00 Madrugada, loron Sabadu (05/06) aktu oknum polísia nasionál Timor-Leste (PNTL) ne’ebé Tiru Mate Oan Mane ho naran Camilio de Deus, no Aman Filomeno de Deus, Lakon nia vida ho inklui nia mane foun kanek todan iha parte ain, Pota voz movimentu estudante Timor-Leste (MUTL) Denis Saebaku, Husu polísia nasionál Timor-Leste (PNTL) fila ba uma rai pistola iha fanti servisu.

“Husu Komandu Gerál PNTL fó orden ba membru hotu-hotu  ne’ebé  bainhira fila ba uma rai armas Seguransa iha nian fatin, antes membru sira fila ba Uma”, Dehan porta voz MUTL Denis Saebaku ba jornalista sira iha komunikadu imprensa iha kampus sentral UNTL, segunda, (07/06).

Porta voz ne’e hatutan, MUTL eziji Ministériu Interior reforma sistema PNTL nian, se lae PNTL rasik mak sei hamonu Estadu Repúblika Demokratika Timor-Leste (RDTL) ninia dignidade ne’ebé ita sosa ho ran no ruin.

“MUTL eziji Ministériu Interior no Komandu Gerál atu Aselera Investigasaun hasoru ho membru ne’e lalais, tanba MUTL konsidera krimi ne’ebé kontra Violasaun Direitus Humanus no ita nia Konstituisaun RDTL iha Artigu 147 ne’ebé iha alina 2 hateten   Prevensaun Kriminal tenke hala’o ho respeitu ho direitus umanus”, Katak nia.

Nia dehan, MUTL eziji Ministériu Interior reforma Sistema PNTL nian, se lae PNTL rasik mak sei hamonu Estadu RDTL ninia dignidade ne’ebe ita Sosa ho Ra’an no Ruin.

Porta voz ne’e husu ba estadu atu rekruta membru foun PNTL prioridade ba ema ho grau licensiadu.

“MUTL husu Ministeriu Interior ba Komandu Gerál PNTL bainhira iha prosesu Rekrutamentu ba Membru foun fó preoridade liu ba sidadaun sira ne’ebé iha nivel ensinu superior ne’ebé mai ho grau akadémika ka Licensiatura”, Katat nia.

Nia hatutan, MUTL husu ba Politíka nain sira, liu-liu ba Parlamentu Nasionál (PN) tenkeatu produs lei ida kona-bá sirkulasaun bebida Alkoolika, nune’e  bele reduz kazu komplitu Orizontal entre joven sira iha iha rain laran.

Karik asuntus sira ne’ebe mak ohin ami temi liu ba maka, lakohi tau konsiderasaun imediata, ami mós komprometidu katak ami sei organiza Ensinu Superior , no Juventude tomak hamutuk ho familia  husi vitima  hodi hamri’ik halo asaun pasifiku hasoru Governu, liu-liu Komandu Geral PNTL iha loron hirak tuir mai ne’e nia laran, Nia hakotu.

Kazu oknum  ne’e rasik parte Komandu Gerál halo ona presesu investigasaun tuir lei ne’ebé mak vogora ona iha Timor-Leste. Ana