CIGC-SS Rejista Tan kazu Covid-19 Foun 98 no Rekoperadu 214
Naunil media (Díli), Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Centro Integrado Gestão de Crises, Sala Situação (CIGC-SS- sigla português) Rui Maria de Araújo, Informa rejista tan kazu foun Covid-19 na’in 98 no na’in rekoperadu 214.
” Kazu detetatu foun ne’ebé relata ohin loron 8 fulan Juñu de 2021 98 no iha Dili 80 , iha Munisipiu seluk , 18. Husi total kazu detetadu foun ohin, mane na’in 47 , no feto na’in 51″ Dehan Koordenador Forsa-Tarefa ba Prevensaun no Mitigasaun Surtu Covid-19 Rui Maria de Araújo ba Jornalista sira liu husi komunikadu imprensa, tersa (08/06).
Koordenador ne’e mós relata husi total kazu detetadu foun ohin, hirak hotinan entre tinan 12-59 na’in 95 ( 96,9 % ) ; ho tinan 60.
Rui Informa horiseik mai ohin loron 8 fuln Juñu, total hamutuk 994 hotu Laboratóriu Nasionál Saúde halo testes PCR iha Díli ho detalles.
“Husi horiseik mai ohin , loron 8 fulan Juñu, hamutuk 994 hotu Laboratóriu Nasionál Saúde halo testes PCR iha Díli , ho detalles hanesan tuir mai: Vijilansia sentinela 7,Rastreiu ba kontaktu ( Contact tracing ) 26, Rastreiu Aleatóriu ( Random Screening )189, Viajen sai husi serka sanitária Munisipiu Dili 737, Viajen internasionál 34, Follow up iha kuarentena 2”, Dehan nia
SIJK mós informa total testes PCR ne’ebé halo horiseik iha loron 7 fulan Juñu iha munisípiu sira seluk , REAOA & HNGV, hamutuk 550, ho detalle hanesan tuir mai Baucau 106, Ermera 90, Maliana 45, Maubisse 115, RAEOA 10, Suai 61, Viqueque 12, HNGV 111.
Rui Apela ba populasau Timor-Leste, aprezenta an iha fasilidade saúde públiku, Sentru Saúde ka hospitál ne’ebé besik, wainhira sente isin- manas, kakorok moras, inus-ben, mear, bele hetan atendimentu husi profisionál saúde sira nune’e bele hetan atendimentu.
Ikus liu, nia dehan populasaun Timor-Leste, favor respeita nafatin regra prevensaun no ijiéne individual, ne’ebé Governu hatu’ur ona, atu prevene moras Covid-19 da’et ba Ma ka hanesan uza maskara fase liman beibei ho sabaun ka dezinfetante ruma evita kose liman ba matan, inus ho ibun; w ainhira kumprimenta malu, la presiza ka’er liman, bensa-liman, rei- malu ka haku’ak malu evita halibur malu barak hamri’ik ka tur do’ok h usi ema seluk, mínimu metru ida ho balun.
Total kazu ativu ohin , dia 8 de Juñu 2021 : 2115 .no total kazu konfirmadu kumulativu iha loron 8 fulan Juñu 2021 (sura husi 21 Marsu 2020 ) : 7862 .
Númeru ema mate ho Covid-19 total na’in 17 iha Díli na’in 16, Liquiçá na’in 1 no Bobonaru na’in 1. lvo
