FEATUREDGeralIkus LiuNews

Covid-19, Santidade iha Uma Aprende You Tube Transforma Hena Sai Vazu-Ai-funan

Fahe Tutan

Naunil Media (Liquiçá), Santidade Marinela Fatima Ribeiro, ho tinan 22, hanesan joven ida ho hanoin ne’ebé mak produtivu, bainhira  estadu Timor-leste dekreta Estadu Emerjénsia (EE), no Serka Sanitária (SS), aproveita tempu iha uma aprende husi YouTube transforma hena at sai vazu hodi kuda ai-funan hodi halo uma oin sai furak liu.

Tuir Santidade hateten bainhira estadu Timor-leste (TL), dekreta Estadu Emerjénsia (EE) no Serka Sanitária (SS) entaun ho hanoin tenke halo buat ruma.

” Komesa estadu dekreta Estadu Emerjénsia no Serka Sanitária iha fulan Marsu entaun ha’u fila ba ha’u nia rai moris fatin Lauhata, Bazarte, iha momentu ne’eba  kuaze semana rua nia laran ha’u haliamar halimar iha Uma , entaun  ho ida ne’e halo ha’u  sai baruk, no ha’u komesa ho hanoin asesu media sosiál YouTube atu aprede buat balun tanba YouTube bele sai hanesan ita nia professor atu hanorin ita iha uma, komesa ha’u asesu YouTube hau ho hanoin no aprende iha ne’ebà ha’u koko lori hena aat komesa halo ba vazu aifunan nian, maibé konsege saida mak ha’u hakarak aprende husi YouTube ne’e rasik realiza duni”, Dehan estudante komunikasaun sosiál UNTL, Santidade Marinela Fatima Ribero ba Naunil Media via Telefone, segunda (07/06).

Morena oan ne’e hateten molok atu produs vazu tenke prepara sasan hirak ne’ebé mak nia presiza, Mak hanesan tuir mai ne’e: hena, tezoura, semente, balde bee pinsel no kanuru kiik (suru rai nian).

“Molok atu produz vazu aifunan ida hau presiza mós ekipamentu sira mak hanesan: hena, tezoura, semente, balde bee pinsel no kanuru kiik (suru rai nian), bainhira atu halo produsaun vazu primeiru ha’u tesi hena no sukat tuir modelu ne’ebé mak ha’u gosta,  tesi hotu ha’u kahur semente no bee iha balde ida, depois hoban hena ba semente been tiha ha’u tau fali balde ida duku ulun tun depois ha’u foti hena ne’e taka ba balde pois habai iha loron manas durante oras balun nia laran. Bainhira hena maran ona hau hasai tiha balde, hena ne’e sai ona ba vazu aifunan ida” Dehan nia.

Iha  atividade ne’ebé  halo liu husi vazu ne’e mak hiasang dinding ruma, atu nune’e nia bele hodi  enfeita uma no balun fa’an

” Iha sorin seluk ha’u mós  aprende tan husi YouTube kona-bá hiasan dinding (sasan infeita uma laran nian hnesan uza kabas korsee suku hena mesa no seluk”, Informa Santidade.

Husi inisiativa aprende husi YouTube kona-ba vazu no hiasang dinding ruma  loron 2 ou 3 ba leten mak foin bele  hetan   $ 7 ou 8 dolar.

“Husi Aktividade ne’ebé mak ha’u iha uma halo la hetan loron loron de’it maibé bazeia ba ema ne’ebé mak mai sosa, loron 2 ou 3 ba leten  mak foin hetan $7 ou 8 dolar, husi vazu ne’e ha’u faan tuir nia medida de’it ki’ik folin tuir ki’ik, no bo’ot mós hanesan, maibé ba sasan yiasan dinding ruma ne’e ha’u faan ba $2 bele hatun ba $1.50”,  Marinela Relata.

Nia mós husu ba públiku ne’ebé mak iha interese atu sosa vazu no yasang dinding ruma bele halo kontaktu ba nia númeru Telefone 74416702.

Joven feto ne’ebé ho hanoin kreativu halo rasik kampu traballu ba nia aan rasik iha tempu EE no SS,  ho nia naran kompletu Santidade Marinela Fatima Ribeiro, moris iha loron 09/07/ 1999, iha Lauhata, Bazarte, Liquiçá, oan husi aman Jose Perreira Ribeiro,inan Eliza Defatima Ribeiro, iha uma laran sira na’in 9, feto 7 no mane 2 nia oan da neen, agora dadaun hala’o hela nia estudu iha Universidade Nasionál Timor Lorosa’e (UNTL), iha fakuldade seésia sosiais (FCS), no departamentu komunikasaun sosiál (DCS), ho semester 7. Ivo

Leave a Reply

Your email address will not be published. Required fields are marked *