PR Husu PN Hadia Lei Antes Tama Resesu
Naunil Media (Díli),Prezidenti Parlamentu Nasionál (PPN) Aniceto Longuinhos Guterres Lopes, Hateten Prezidenti Repúblika (PR) Francisco Guterres “Lú Olo” husu ba Parlamentu Nasionál (PN) atu hadia lei sira iha parlamentu Nasionál antes tama ba Resesu.
“Ohin ami ko’alia barak liu kona-bá prosesu lejislativu ba parlamentu, tanba agora iha lei barak iha parlamentu no parlamentu agora besik dadaun ona ba resesu ke normalmente iha loron 15 fulan Jullu to’o loron 15 fulan Setembru, Prezidenti Repúblika husu ami oinsá bele rejolve hotu lei sira ne’e antes tama ba resesu ami dezafiu bo’ot ida”. Dehan Prezidenti Parlamentu Nasionál (PPN) Aniceto Longuinhos Guterres Lopes ba Jornalista sira hafoin sorumutuk ho Prezidenti Repúblika (PR) Francisco Guterres “Lú Olo” iha Palásiu Prezidenti Nicolau Lobato Barru Pite, tersa (08/06).
Líder Orgaun lejislativa ne’e hatutan ko’alia kona ba lei entaun lei ida ne’ebé mak tama ona iha parlamentu nasionál, no mós inisiativa governu nia no inisiativa husi deputadu sira nia.
“Lei barak maibé ami tenke tau prioridade ba ida ne’ebé mak uluk” tenik PPN
Nia dehan, alende lei hirak ne’e inklui mós lei Infatil, maibé parlamentu nasionál fó prioridade kona-bá pakote reforsa judisiariu ho pakote lei eleitoral, tanba Eleisaun Prezidensiál besik ona no governu tenke iha preparasaun ba eleisaun, sira ne’ebé sei tuir mai no fó biban ba governu atu prepara entaun lezislasaun sira ne’e tenke prontu uluk.
“Pakote rua ne’e mak ami sei fó prioridade ba lei enkuadramentu Orsamentu i jestaun finanseira, lei ne’ebé mak importante i prioritariu husi ne’e to’o loron 15 fulan Jullu, atu trata lei barak klaru katak ami labele halo milagre iha tempu badak fulan ida resin de’it, no ha’u mós labele temi lei idak-idak tanba lei barak”, Tenik nia
Nia dehan, nune’e mós kona-ba lei traballu infantil nia parlamentu nasionál Inisiativa iha iha ona, maibé parlamentu nasionál trata tuir Prioridade.
“Tuir prioridade no haree tuir tempu, parlamentu nia funsiona mak hanesan ne’e tinan ida sesaun lejislativa tinan ida depois iha fulan rua ba resesu” katak nia.
No lei ne’ebé mak tau prioridade mak hanesan pakote lei eleitoral ke lei tolu iha laran mak lei resensiamentu, eleitoral ne’e alterasaun de’it ba eleisaun prezidensiál, nune’e mós Lei Reforma judisiaria ne’e iha lei foun kona ba organizasaun judisiariu, lei ba estatutu ministériu públiku, majistradu judisiariu, Nia hakotu.*Jos
