TDD Hatun Despaizu Prizaun Preventiva ba Arguidu ho Inisial MJ
Naunil Media(Dili), Tersa 08/06 Tribunal Distrital Dili (TDD), hatun despaixu ba arguidu MJ hanesan oknum Polísia Nasionál Timor-Leste (PNTL) ne’ebé mak komete krime rua hodi hamate ema na’in rua nia vida inklui na’in ida kanek iha aldeia Ainitas-hun, Suku Lahane ocidental, postu administrativu Vera Cruz, munisípiu Díli.
Tuir Advogadu privadu Cancio Freitas, Hateten desizaun ne’ebé mak husi tribunal adekuadu duni hodi fó ba arguidu, tanba públiku nia hatene arguidu hanesan ajente PNTL mak komete ba problema.
“Desizaun ne’ebé mak tribunal fó sai, parte defeza haree katak, adekuadu duni ho situasaun atual tanba, medida kuasaun ne’e mós bele aplika ba arguidu atu nune’e situasaun sira ne’e públiku hotu intende katak, PNTL sai hanesan problema i nune’e mós arguidu nia vida, no família entaun kondisaun sira ne’e hotu tetu ba mai mak nia prizaun preventiva”, Dehan Defeza ba jornalista sira hafoin sai husi sala julgamentu iha TDD Kolmera, tersa (08/06).
Nia hatutan, Nia parte sei lahalo rekursu maibé iha prosesu balun ne’ebé mak nia tenke halo.
“Defeza sei lahalo rekursu tanba iha prosesu balun ne’ebé mak defeza presija halo, kona-bá insendiu ne’ebé mak pratika husi grupu balun hodi fó kauza ba iha arguidu nia rezidensia no sasan sira ne’ebé mak rahun”, Advigadu hato’o.
Iha loron Segunda 07/06/2021, arguidu ho inisial MJ submete ona iha prosesu primeiru interogatoriu iha Tribunal Distrital Dili (TDD).
Ministeriu Publiku promove arguidu ba krime omesidu agravadu no krime omesidu tentada, ne’ebé previstu iha artigu 139 iha alina B no F husi kodigu penál Timor-Leste.
Arguidu lori mai iha tribunal, akompanha husi Polísia Cientifica Investigacão Criminal (PCIC).
Prosesu primeira interogatoriu ne’e prezide husi juiz titular Afonso Carmona, Ministériu Públiku (MP) reprezenta husi prokurador Jacinto Babo, arguidu hetan asistensia legal husi Advogadu Privadu Cansio Freitas. Rit