UDT: Deputadu iha PN Koalia Interese Povu, La’os Interese Partidu

Naunil Media (Díli), Bankada Uniaun Demokrátiku Timorense (UDT) Deputadu Francisco  David Carlos, Hateten deputadu iha parlametu nasionál (PN) koalia interese ba povu la’os interese liu ba partidu hodi haluha povu

“Lolos deputadu asume kargu iha uma fukun parlametu nasionál  atu ko’alia ba interese nasionál ba povu, la’os interese liu ba partidu nian”, Dehan deputadu Francisco David Carlos iha plenária uma fukun parlamentu nasionál, tersa (08/06).

 Reprezenta povu ne’e hatutan, iha tempu kamapña ne’e buat keta ida mais tama uma fukun sagrada ne’e buat ketak ida.

Deputadu UDT ne’e hateten reprezenta povu iha parlamentu nasionál labele radikal liu ba partidu

 “Iha país demokrátiku ne’e prontu ema hotu-hotu hakarak buka nia votu, ne’e mós naturál, mais labele hatudu ita nia radikalizmu partidu nian iha uma fukun hodi ko’alia de’it afavor ba ita nia partidu ho interese ita nia militante sira”, Katak nia.

Nia haktuir, maske durante ne’e povu iha espetativa hakarak rona asegura povu nia moris husi ninia reprezentante sira iha Parlamentu Nasionál.

Nia afirma,Tanba povu atu moris di’ak ne’e deputadu sira tenke konsiénsia nu’udar reprezentante povu no tenke tau interese nasionál.

Ikus liu, nia dehan pozisaun UDT hakarak rekomenda, ba deputadu hothotu hanesan reprezentante povu tenke tau neon no laran ida de’it, hodi buka solusaun ba povu nia moris, Nia hakotu. Ana