CIGC-SS Informa Kazu Covid-19 Semana 2 Ikus Díli Tun 50%
Naunil media (Díli), Koordenador Forsa-Tarefa ba Prevensaun no Mitigasaun Surtu Covid-19 iha Timor-leste, Liu husi Centro Integrado Gestão de Crises, Sala Situaçã(CIGC-SS- sigla portugés), Rui Maria de Araújo
Informa Kazu iha Munisípiu Díli , iha semana ikus ne’e tun ba ona 50%.
“Munisipiu Díli tun liu 50% iha semana rua ikus nia laran (sura husi 27 Maiu to’o ohin” Dehan Koordenador Forsa-Tarefa ba Prevensaun no Mitigasaun Surtu Covid-19 Rui Mria de Araújo ba Jornalista sira liu husi komunikadu imprensa, kuarta (09/06).
SIJK mós nafatin informa katak iha munisipiu Díli mak fatin ho risku bo’ot liu atu populasaun hetan da’et & hada’et tutuan virus SARS-CoV-2.
Rui Informa horiseik mai ohin loron 8 fulan Juñu , total hamutuk hotu Laboratóriu Nasionál Saúde halo 994 testes PCR iha Díli , ho detalles.
“Husi horiseik mai ohin , dia 8 de Juñu , hamutuk hotu Laboratóriu Nasional Saúde halo 994 testes PCR iha Dili , ho detalles hanesan tuir mai: Vijilansia sentinela 7,Rastreiu ba kontaktu ( Contact tracing ) 26, Rastreiu Aleatóriu ( Random Screening )189, Viajen sai husi serka sanitária Munisipiu Dili 737, Viajen internasionál 34, Follow up iha quarentena 2”, Dehan nia
SIJK mós informa total testes PCR ne’ebé halo horiseik dia 7 de Juñu iha munisípiu sira seluk , REAOA & HNGV , hamutuk 550 , ho detalle hanesan tuir mai Baucau 106, Ermera 90, Maliana 45, Maubisse 115, RAEOA 10 , Suai 61, Viqueque 12, HNGV 111.
Rui Apela ba populasau Timor Leste populasaun iha Dili laran no mós iha munisipiu sira seluk, aprezenta an iha fasilidade saú de públiku, Sentru Saúde ka hospitál ne’ebé besik, wainhira sente isin- manas, kakorok moras, inus-ben, mear, bele hetan atendimentu husi profisionál saúde sira nune’e bele hetan atendimentu.
Ikus Nia dehan populasaun Timor-Leste, favor respeita nafatin regra prevensaun no ijiéne individual, ne’ebé Governu hatu’ur ona, atu prevene moras Covid-19 da’et ba Ma ka hanesan uza maskara fase liman beibei ho sabaun ka dezinfetante ruma evita kose liman ba matan, inus ho ibun; w ainhira kumprimenta malu, la presiza ka’er liman, bensa-liman, rei- malu ka haku’ak malu evita halibur malu barak hamri’ik ka tur do’ok h usi ema seluk, mínimu metru ida ho balun.
Total kazu ativu ohin , loron 8 fulan Juñu 2021 : 2115 .no total kazu konfirmadu kumulativu iha loron 8 fulan Juñu 2021 ( sura husi 21 Marsu 2020 ) : 7862 .
Numeru ema mate ho Covid-19 total 18 iha Díli 16, Liquiçá na’in 1 no Bobonaru na’in 1. lVO/ IPE
