CNC Selebra Loron Internasional Arkivu ba Dala 16
Naunil Media(Dili), Centro Nacionál Chega(CNC), Selebra loron internasional arkivu ba dala 16, tanba artivu sai hanesan dokumentus ida ba ema jerasaun foun sira atu bele lori Dezemvolvimentu ba oin.
“Ohin ita selebra tinan 16 Organizasaun Nasoêns Unidas ONU deside loron 9 hanesan loron internasional arkivu, pontu importante hansan tema bo’ot iha tinan ida ne’e mak empodera arkivu hodi hakbi’it liu tan arkivu sira. Hakbi’it ne’e ita ko’alia kona-bá asesu, koalia kona-bá transparansia oinsa mak arkivu sira ne’e bele nakloke no bele utiliza, ha’u hanoin ida ne’e mak signifikante bo’ot”, Hateten Diretór Ezekutivu Centro Nasionál Chega (CNC) Hugo Maria Fernandes ba Jornalista iha salaun CNC Balide, kuarta (9/06).
Diretór hatutan, kada Nasaun iha kondisaun diferente hodi nakloke arkivu ba públiku para atu bele asegura.
“Ita hotu hatene kada país ida iha kondisaun diferente situasaun balu tenke aplika, maibé ativistas balu deside katak, tenke iha posibilidade atu arkivu ida ne’e nakloke ba públiku para atu asegura transparansia akuntabilidade, no mós oinsa mak atu uza arkivu ne’e hodi halo politíka Públiku ne’ebé mak di’ak”, Afirma Diretór Ezekutivo CNC.
Diretór Ezekutivu ne’e mos deklara, se aprende husi arkivu bele estabelese politika públiku ne’ebé mak di’ak, buat aat sira dudu ses tiha no tau mak buat di’ak.
Aleinde ne’e, Vise Ministru administrasaun Estatal (MAE), Lino de Jesus Torezão hatutan, internasional arkivu ne’e mós presija rekursu umanu ne’ebe maka di’ak, tanba arkivu nia prezerva ne’e husi istória pasadu hodi hatutan jerasaun foun sira.
“Objetivu ne’e ita atu selebra loron internasional ba arkivu nian, maibé presija mos rekursus ne’ebe maka iha ninia kapasidade atu bele hetan arkivu nia objetivu ne’e oinsa? tanba iha fatin hotu-hotu arkivu ninia preserva ne’e iha. Istória ne’ebé mak pasadu nian atu hela ba ita-nia jerasaun sira atu bele kapasita no hatutan nafatin preservasaun ne’ebé mak agora dadauk iha”, Dehan Vise Ministru hafoin loke abertura.
Nia akresenta, arkivu sira iha instituisain rua maka chega, AMRT ho arkivu Nasional ne’e maka presiza hametin liu tan, tanba lei ba arkivu Nasioanál iha ona Ministériu nia fatin, hein lori ba konsellu atu aprova iha tinan ida ne’e nia laran.Rit