Lere: Labele Fó Kulpa Ba Komisariu Faustino Maibé Muda Sistema

Naunil Media (Díli), Xefe Estadu Maior Jeneral das Falintil Forsa Defeza Timor-Leste (F-FDTL) Tenente General Lere Anan Timur, husu Públiku labele fó kulpa ba komandante Jeral Polísia Nasionál Timor-Leste (PNTL), Komisariu Faustino Da Costa, maibé presiza muda sistema iha instituisaun laran.

“Ita labele loron kalan fó sala ba ema ida de’it, ita la fó sala ba institusaun, fó sala mós ba instituisaun, aban bele hasai Faustino, hasai ema ba troka, se hanesan ne’e nafatin, ema ba mós la halo buat ida, entaun saida mak  sala, sistema iha polísia”.Dehan Xefe estadu Maior Jeneral F-FDTL Tenente Jeneral Lere Anan Timur ba Jornalista sira hafoin sorumutk ho Prezidenti Repúblika (PR) Francisco Guterres “Lú Olo” iha Palásiu Prezidenti Nicolau Lobato Bairru Pite, kuarta (09/06).

Tenente General ne’e hatutan se bainhira la muda sistema iha polísia nasionál  Timor-Leste PNTL atu troka ou muda ba mai mós sei aat nafatin.

“Ita kuandu la muda sistema, ita bele tau ema matenek mós, buat ne’e sai aat nafatin, iha deskontentamentu bo’ot iha polísia, hanesan halo avaliasaun promove ofisial sira ba sarjentu, sarjentu sira ba fali ofisiais, ida ne’e nunka pudia akontese, Faustino la haruka tiru ema” katak Tenente General Lere Anan Timur.

Lere mós lamenta, polísia ida-idak lori kilat ba uma hanesan ninia privadu, tanba sistema mak fó dalan, pur ezemplu iha F-FDTL ninia laran, se mak  lori kilat, tenke iha kartaun ida, autorizadu ka lae, se lae, polísia militar hetan iha dalan, kaer hasai tiha kilat.

“Polísia serake halo ida ne’e, la halo, depois polísia ate agora laiha estatutu, polísia ne’e harii uluk mai ne’e ikus, ami nia estatutu ne’e ami reve dala rua no tolu ona, tanba estatutu ne’ebé mak uluk halo ne’e dala ruma malae mak  halo, dala ruma implementa ne’e la han malu ho ita nia realidade, tenke muda,”Hateten Tatennte General Lere Anan Timur.

Nia dehan, iha polísia laran, naran oin-oin de’it, Batelaun Orden Públiku BOB mak ida ne’ebé rezerva mak ida ne’ebé, naran barak-barak, ida ne’e konfundi.

Ikus nia dehan naran barak ne’e hotu-hotu Faustino mak halo ka? labele sakrifika ema ida, tenke haree hotu,    presiza halo  reflesaun ba sistema iha polísia ne’e lao oinsá, ida ne’e mak presiza haree, labele kondena de’it, Nia hakotu .*Jos