Negósiante Domingas EE-SS Modo Lafolin iha Merkadu Manufahi
Naunil Media (Manufahi) Negosiante Domingas Barbosa no Pasquela Quintão, Informa Durante Estadu Emerjénsia no Serka Sanitária (EE/SS) modo la folin iha merkadu munisípiu Manufahi.
“Relasiona ho pandémia Covid-19 no estadu emerjénsia no serka sanitária, impede sirkúlasaun sosa na’in sira husi munisípiu Ainaro, Aileu, Díli inklui munisípiu seluk, la tama iha merkadu postu administrativu Turiscai, hodi sosa prodotu lokál ne’ebé faan iha merkadu”, Negosiate Domingas ba Jornalista tersa (08/06) iha merkadu, postu Administrativu Turiskai munisipiu Manufahi.
Negosiante Domingas hatutan, Ho situasaun ne’e, afeta ba komunidade sira la hetan rendementu, tanba kada loron hetan de’it osan $1 dollar susar atu sustenta ami nia oan sira ne’ebé hala’o hela estudu iha universitáriu.
Nia haktuir, lor-loron lori produtu hanesan modo tahan, fehuk, ai-fariña,koto no seluk tan fa’an iha merkadu, maibé ema la sosa, balun tau to’o dodok lori fila ba uma tanba la iha folin, ho situasaun ne’e negosiante husu estadu atu tau matan ba ami povu kbi’it laek sira.
Hatan ba preukupasaun ne’e adminitradór Postu administrativu Turiscai Júlio Godinho, Hateten Parte Guvernu lokál postu administrativu Turiscai Orienta Ona Sefi Suku sira, halo ona identifikasaun ba komunidade ne’ebé la iha kbi’it atu relata ba administrasaun munisípiu hodi buka dalan apoiu ba povo kbi’it la’ek sira.
Admninstradór postu Alas ne’e realsa, administrasaun postu simu ona dadus kbi’it la’ek husi suku balun, maibé provizórimente seidauk relata ba administrasaun munisípiu tanba sei hein dadus husi suku balun seidauk tama. NFM
