DesportuFEATUREDIkus LiuNews

FFTL Fasilita Formasaun Arbitrázen ba Arbitu Na’in 25 iha Manufahi

Fahe Tutan

Naunil Media (Manufahi), kinta (10/06) Federasaun Futebol Timor-Leste (FFTL)  fasilita formasaun arbitrázen  rejionál lével (D3), ba árbitu na’in 25 husi asosiasaun Fotebol Manufahi, Ainaru no Aileu, durante loron 5 iha salaun servisu agrikultura munisípiu Manufahi.

Diretór arbitrázen Federasaun Futebol Timor-Leste (FFTL) Nívio da Costa Fernandes, Informa árbitu na’in 25 ne’e tuir ona formasaun arbitrazen levél (D3), selesaun husi asosiasaun futebol Aileu (AFA) árbitu na’in 5, Federasaun futebol distritu Ainaru (AFDA) na’in 5, no asosiasaun futebol Manufahi (AFM) árbitu na’in 15, no formasaun ne’e atu hasa’e kapasidade kona-bá regulamentu no téknika arbitrazen nian, nune’e sira bele organiza jogu futebol iha ida-idak nia munisípiu, Haktuir Nivio ba jornalista iha salaun serbisu Agrikultura Munisipiu Manufahi, kinta (10/06).

Nia hatutan, Formasaun ne’e iha matéria 2 mak importante, kona ba téknika ka regulamentu arbitrajén nian, no matéria ida seluk kona-bá fitnes atu teste árbitu sira atu bele hetan selisaun árbitu ne’ebé iha kualidade iha kampu.

Fatin hanesan, árbitu Madalena Rodrigues Mani, husi asosiasaun futebol Aileu sente urgullu tanba bele fó opurtunidade ba feto foinsa’e sira, tuir formasaun kona ba arbitrázen level D3 nian hodi bele organiza jogu futebol iha kampu.

Tuir Casmiro dos Santos Siqueira husi asosiasaun futebol Manufahi, sente urgulu bele tuir formasaun arbitrázen ba segunda parte ne’e, bele kale’an tan foinsa’e sira nia kueñesementu kona-bá regulamentu arbitrázen nian, nune’e bele foti dezisaun ruma iha kampu laran baseia ba regulamentu arbitrájen nian. NFM

Leave a Reply

Your email address will not be published. Required fields are marked *