MS Lansa vasina AstraZeneca Doze II, kombate Covid-19 iha TL
Naunil Media (Díli), Governu Timor-Leste liu husi Ministeriu Saú de(MS) hala’o Serimonia lansamentu Vasina Astrazeneka doze daruak husi Covax, iha Timor-Leste hodi kombate Covid-19.
Tuir Ministra saude (MS), Odete Maria Freitas Bello, Hateten Lansamentu vasina Covax doze segundu haree liu ba iha grupu prioritariu professional sira ne’ebé iha liña Frente .
“Doasaun husi Covax fasilita haforsa di’ak liu tan apoiu sira seluk husi Governu Austrália no Xina, hodi kontribui no nafatin esforsu ne’ebé governu halo luta hodi hasoru pandemia Covid-19 iha Timor-Leste”, Dehan Ministra saúde Odete Maria Freitas Bello bainhira lansa vasina Segunda doze iha Salaun Centro Convencões de Díli (CCD), kinta (10/06).
Nia argumenta durante fulan Juñu 2021 nia laran sira bele kompleta ba vasina 20% liu-liu ba iha populasaun ne’ebé grupu prioritariu, tanaba área prioriatrius sira ne’ebé iha loron dahuluk sira hotu-hotu hakarak tebes atu simu vasina.
“Ha’u hakarak hato’o agradese ba ekipa teknika husi UNICEF no OMS ne’ebé esforsu hamutuk ho MS hodi asegura vasina husi Covax mai lalais iha TL no bele kompleta kobertura vasinasaun ba grupu prioritariu professional sira ne’ebé iha liña oin”, Katak Ministra saúde.
Nia salenta serimonia ne’e sai hanesan pasu importante tebes ba governu TL nia planu vasinasaun hodi kontra covid-19.
“Iha TL agora dadaun ita iha vasina AstraZeneca no Sinovax ne’ebé ita aprova tanba vasina rua nee iha efikasia neebe mak diak no mos adapta di’ak ba ita nia ambiente no fasil atu armazena no admininistra”, Nia esplika
Nune’e nia hakrak esklere ba sidadaun sira ne’ebé simu ona vasina primeira doze maske sira hetan Covid-19 maibé bele simu vasina segunda doze.
“Depois simu vasina daruak liu tiha semana rua mak ita bele la’o livre tanba ita presija deskansa depois hein to’o ita nia sistema imunidade ne’e estabelese di’ak mak ita bele halo Viagen ba Munisípiu” Katak Ministra saúde Odete.
Iha fatin hansan Diret’ora Gerál Prestasaun servisu saúde Odete da Silva Viegas, Informa vasina AstraZeneca nivel Nasionál ema 28.412 mak sei vasina.
Husu ba populasaun sira ne’ebé mak seidauk asesu ba vasina atu hakbesik an mai iha vasina tanba vasina ne’ebé agora ita hala’o ba primeira doze nafatin no segunda doze ita foin hala’o ohin.
“Primeira doze ita hala’o nafatin iha sentru saúde no postu vasinasaun sira, no ohin ita ba iha vasina Covax nian ne’ebé mak to’o mai horseik Kuarta loron 09 fulan juñu ohin ita hahu halo lansamentu ba vasina Covax”, Dehan Diretor Gerál Odete.
Entretantuviha Lansamentu vasinasaun ne’e partisipa husi Membru Governu,No Deputadu sira no Parseiru NGO international sira.IVO
