Suku Laisorolai de Baixo simu Sesta Bázika, la kompletu
Naunil Media (Baucau), Sefí suku laisorulai de Baixo Julio Farkhus Pinto, Informa suku Laisorulai de Baixo Postu Adminitrativu Qelicai munisípiu Baucau simu produtu Programa sesta bázika ho nesesidade la kompletu.
Tuir Xefe Suku katak, benefisiariu sira husi suku Laisorolai de Baixo ne’ebé maka atu simu Programa Sesta bázika hamutuk na’in-1.565 husi Aldeia ha’at.
“Populasaun suku Laisorolai de Baixo Ne’ebé mak simu Sesta bázika total 1.565 husi aldeia haat, Dara-Oma, Lego, Ulusoru no Saua-Cassa, programa sexta Bazika ne’e lansa husi xefe gabinente CLN, iha kuarta feira, komunidade sira simu ona hamutuk 200 ital, husi aldeia rua Dara-Oma ho Lego,” dehan xefí suku Laisorolai De Baixo Julio Farkhus Pinto ba Jornalista Naunil Media liu husi via Telefone, Sesta (11/06).
Nia hatutan, Sasan benefisioariu sira simu ne’e kada ema ida hetan foos saku ida mina 5 litro, pakote hijene dos ida no protudu lokal ida. Maibé pakote protudu lokal ne’e la kompletu razaun tanba ho situasaun Covid-19 mak sira muda sistema distribuisaun ne’e ho sasan la kompletu tanba iha nasionál protudu menus.
“Husu ba Governu, programa Sesta bázika nia implemta iha nasionál la hanesan iha área rural ne’ebé mak ho produdu la kompletu, tamba ne’e nia husu ba future bele hadia liu tan. Tamba osan mai husi povu no tenke fila ba povu, no utilizasaun ba povu”, Lider komunitaria ne’e hateten
Nia haktuir, Resolusaun Governu nian ba Programa sesta bázika katak kada ema ida hetan podutu folin $50 nian maibé realidade distribuisaun nesesidade ne’e ba komunidade husi suku laisorulai de Baixo sira simu ne’e folin la too $50.
“Komunidade sira sura sasan nia folin la to’o $50, tan ne’e husu Ekipa Kontrolamentu Programa Sesta bázika halo investigasaun ba osan restu iha hela konpaña nia liman bele muda hodi osan restu ne’e to’o iha komunidade sira tanba osan povu ida ne’e ami nia preokupasaun,” Tenik xefí suku Laisorulai de Baixo
Lideransa komunitaria ne’e mós hato’o sentimentu komunidade sira nian maske sasan la kompletu, maibé ho situasaun Serka Sanitária Komfinamentu obrigatoriu, sira pasensia simu hosi iha tempu difisil sata netik krize hamlaha.
Ikus nia dehan distrinuisaun ne’e ladun di’ak tanba dalaruma kafe iha maibé masin midar laiha, maibé komunidade sira kontente tanba bele simu ona hahan oituna iha situasaun ida ne’e hanesan ne’e, no xefí Komunitaria mós husu ba Govenru atu labele gasta osan barak maibé ba benefisiariu sira minumu liu, hakotu nia. Ipe
