FEATUREDIkus LiuNewsPolitika

MOP Aprezenta Diresaun Jerál Habitasaun Umanizmu Ba PM

Fahe Tutan

Naunil Media (Díli), Ministru Obras Públika Salvador Soares dos Reis Pires aprezenta ekipa diresaun Jerál habitasaun umanizmu ba Primeiru Ministru (PM) Taur Matan Ruak.

“Ohin mai aprezenta ba Primeiru Ministru ho ekipa diresaun jerál habitasaun umanizmu no mós ekipa konsultan kona-bá estudu polu dezenvolvimentu rejiaun rua Batugade no mós Baucau, ne’ebé mak nia prosesu tenderizasaun ita halo ba dala tolu, mak foin ita hetan konsultor ida ne’ebé mak iha kualifikadu bele halo ida ne’e”, Dehan Ministru Obras Públika Salvador Soares dos Reis Pires ba Jornalista sira hafoin sorumutuk ho Primeiru Ministru Taur Matan Ruak iha Palásiu Guvernu segunda, (14/06).

Salvador hatutan, sira haree katak estudu de polu ne’e hanesan aban bainrua dokumentu ne’ebé fornese route rapida ba governu atu halo investimentu, iha área ka zona ne’ebé dizignadu, atu nune’e bele lori dezenvolvimentu besik liu povu sira ne’ebé iha rejiaun rua no rejiaun sira seluk ne’e bele benefisia investimentu ne’ebé governu halo.

Nia dehan, hateten aleinde polítika desentralizasaun ne’ebé desde governu anterior to’o agora esforsu, atu realiza ida ne’e hanesan zona esklusivu dezenvolvimentu ne’ebé ita hakarak halo bainhira estudu nia rejultadu bele hatudu ona, klaru ke investimentu ida ne’e estudu sei fó rekomendasaun sira hanesan zona industria no komponente sira ne’ebé mak investe no planu investimentu no seluk-seluk tan.

Salvador mós dehan estudu viabilidade mós fas parte ida no konsulta mós parte relevante sira hanesan ministériu sira seluk ne’ebé relevante iha prosesu estudu ne’e.

“Estudu viabilidade ne’e mós hanesan fas parte ida husi termus referensia ne’ebé konsultor tenke halo mak konsulta ho parte relevante sira hanesan Ministru MECAE MTCI Ministru Finansas Agrikultura no mós sira seluk tan ne’ebé relevante iha prosesu estudu ne’e rasik”,Tenik Salvador

Nia dehan, liga ba estudu habitasaun hanesan iha 2021 ne’e Dezembru hamutuk ho Ministru Finansas  asina akordu ba fulan 18  dezenvolve lai nia preparativus sira ba investimentu depois fulan ne’e bele lansa Prozetu ida habitasaun ne’e.

Nune’e komesa loke ona hanesan intensivu ida, governu halo atu loke merkadu investimentu ba habitasaun ne’e rasik para atu nune’e bele fó biban ba governu hodi reorganiza fali Díli revitalizmu fali bairru-bairru sira

Ikus nia dehan, foin mak mai aprezenta foin inisiu relatoriu preliminariu ne’ebé sei konklui iha Novembru 2021 tinan ida ne’e, espera katak dokumentu ne’e bele guia ba tipu de investimentu industria ne’ebé mak tenke halo iha polu dezenvolvimentu.*Jos

Leave a Reply

Your email address will not be published. Required fields are marked *