ACJETL Apoiu Nesesidade Básika Ba Orfonatu Baucau
Naunil Média (Díli ), Asosiasaun Chinésa Juventude Emprezariu iha Timor-Leste (ACJETL), Fó apoiu nesesidade básika ba Orfonatu sira. Iha Uma esperansa Munisípiu Baucau.
“Orfonatu uma esperansa Baucau hetan apoiu nesidade básika, Tanbá hetan vizita husi ACJETL, katak iha ne’ebá orfonatu sira presiza duni ajuda tanbà hahan ba sira menus duni” Dehan Responsavel Orfonato uma esperansa Baucau, Cesaltina Carvalho Soares ba Naunil Media iha Fatu-Hada, Quarta (23/06).
Celestina haktuir, Orfonatu esperansa Baucau servisu hamutuk ho ACJETL hodi apoiu nesesidade básika ne’e tinan tolu ona, Hahu husi tinan 2019.
Nia hatutan, Kada fulan tolu Ofonatu sira iha uma esperansa Baucau sempre hetan apoiu nesesidade bászika husi ACJETL.
“Ami kontete tebes no agradese ekipa ACJETL nia esforsu hotu, Ho sira nia prezensa iha Timor-Leste, Tanbá sira husi nasaun seluk maibé hakarak ajuda labarik sira ne’ebé futuru ba nasaun ne’e nian. Tenik nia
Iha Fatin hanesan Dirizente ACJETL Rudej kawan afirma, Kada fulan tolu ka ha’at asosiasaun ne’e sempre fó apoiu nesesidade básika ba orfonatu sira, nó tinan kotuk sira lori la’o to’o Baucau, Nó halimar ho labarik orfonatu sira iha ne’ebá.
Maibé tanbá Covid-19 to’o agora ekipa asosiasaum labele ba to’o iha orfonatu sira nia fatin, Nune’e sira mai foti de’it iha Dili.
“Asosiasaun ne’e la’os apoiu de’it ba orfonatu Baucau, Maibé apoiu mós iha Fatin sira seluk, hanesan Kbi’it laek sira inklui mós ba vitíma inundasaun sira. Esplika
Nesesidade básika hirak ne’ebé ACJETL apoiu ba orfonatu sira hanesan, Fos 20 ŝaka, Super-mie 25 kaisas, trigo saka 1, ikan, sosis, ayam potong, inkuli nesisidade sira seluk. Ivo/JJF
