FONGTIL Konsidera MS Desorganizadu Distribui Vasina Iha Teritoriu TL
Naunil Média (Díli), Forum Organizasaun Naun Govermental Timor-Leste (FONGTIL) konsidera Ministeriu Saude (MS) desorganizadu destribuisaun vasina iha teritoriu Timor Leste (TL) tanba sidadaun balun hakarak simu vasina hotu.
FONGTIL hato’o lamentasoens ne’e bajeia ba monitorizasaun ekipa FONGTIL nian iha semana hirak liu ba iha sentru saude Postu Administrativu Fatululik Munisipiu Covalima komunidade hakarak simu vasina maka laiha.
Ho ida ne’e FONGTIL kestiona kapasidade governu nian no FONGTIL konklui MS desorganizadu intermus maneja distribuisaun vasina ba iha territoriu nasional.
“Komunidade barak mak hakarak simu vasina, maibe vasina mak la iha MS nia problema iha ne’ebe,” Dehan Direktór Daniel do Carmo ba Jornalista, liu husi Komferensia imprensa iha iha Salaun FONGTIL Kaikoli, Sesta (25/06).
Nia hatutan vasina iha Sames hotu ona, equipa hetan informasaun husi SAMES katak hein aviaun tun mak mai monitoring.
Tuir nia, Iida ne’e hatudu katak MS mak la prepara fatin seguru ba rai vasina ka vasina mak laiha duni.
“Ita dependensia ba apoiu deit ba doasaun tan ne’e mak vasina mamuk dehan distribui hotu ona ba komunidade serake iha terenu komunidade hakarak vasina maibe vasina laiha,”tenik diretor FONGTIL.
Nia mos lamenta ho atendementu Pesoal saude balun la halo konsulta ho komunidade hodi hatene kona ba istoria moras komunidade nian, maibe sira rejista pois koko tensaun ba direita vasina deit.
“Se ne’e Ministeriu saude la tau atensaun bele fo perigu ba ema nia vida bainhira ema sira ne’ebe iha moras kroniku hanesan diabetes, Tensaun no moras sira seluk la liu husi konsultasaun maibe vasina direita,” nia fo hanoin.
Ne’e duni, nia sujere MS atu organiza sasan logistik sira hanesan kartaun, jestaun ba distribuisaun vasina liu-liu stok vasina, kartaun no atendimentu husi pessoal saude ba populsaun ho diak.
Aliende ne’e, FONGTIL husu MS presiza klarifika no fo Justifikasaun vasina ba publiku kona ba stok vasina no fatin ba rai vasina iha Sames no iha sentru saude hotu-hotu no iha Sentru saude sira fatin atu rai vasina iha ka lae.
Tanba, nia observa Sames agora vasina la iha populasaun hakarak maibe vasina hotu MS tenke fo justifiksaun imediata ba publik.
Entertantu, FONGTIL destaka ona membru 44 ne’ebe halo monitorizasaun ba programa Vasinasaun iha Postu 65 Munisipiu 12 no RAEOA hahu husi fulan Juñu to’o Dezembru tinan ne’e.Ina
