SEKOOP: Distribui Nesesidade Básica Ba Komunidade Afetadu Inundasaun
Naunil Média (Díli) Sekretariu Estadu Kooperativa (SEKOOP), Distribui nesesidade básika ba komunidade afetadu inundasaun iha Aldeia 30 de Agustu, Suku Comoro, Postu Administrativu Dom Aleixo, Munisipiu Díli , Ne’ebé akontese iha loron (04/04).
“Ita kontribui ba malu ka tulun malu la presiza segundu lista maibé foti lista iha fulan abril liu ba, Besik fulan rua mak hatan lista ne’e tamba ami tenki esforsu husi fati seluk oinsá bele hetan tanba ne’e mak ohin loron realiza disribuisaun ida ne’e” SEKOOP Elizario Ferreira ba jornalista sira, iha distribuisaun nesesidade básika, iha sexta (25/06).
Nia haktuir distribuisaun ne’e la’os atu kompleta ita bo’ot sira nia moris tomak maibé estende ai-han ruma iha família ba loron hirak nian.
“Kona-ba vitíma inundasaun sira ne’ebé lakon uma keta haluhan rejistu nafatin iha iha lider komunitaria sira, Tanbá Ministeriu Administrasaun Estatal (MAE) ho Sekretatiu Estadu Protesaun Sivíl (SEPS), sei servisu hamutuk hodi rekopera kona-ba uma nian ne’ebé destroi realidade labele inveta” Tenik SEKOOP
Elizariu hatutan Sustentabilidade nó estabilidade iha ita nia liman, Nune’e ba oin estadu ho Governu mós iha planu nó dever atu halo ita hotu ne’ebé hela iha fatin risku sei hari’i uma ba kbi’it laek sira, Nune’e mós ba vitíma inundasaun.
“Governu la husik nia povu atu hela nafatin iha fatin risku atu povu moris nafatin iha risku tanba ida ne’e mak governu iha ona planu atu halo uma iha fatin ida ne’ebé seguru depois sira ne’ebé afetdurisku sei identifika hotu-hotu hetan fatin ne’ebé dignu.”Dehan Elizario.
Iha fatin hanesan Xefi Aldeia 30 de Agustus Antonio da Costa informa, tuir dadaus komunidade iha adelia refere hamutuk uma kain 253 mak hetan estragus husi inundasaun.
“Aldeia refere uma barak mak hetan estragus husi inundasaun iha fulan kotuk nó ema nain 5 mak mate iha parte foho leten nian labarik ida mate lakon to’o agora seidauk hetan , Frater ida ho nia alin mós mate hotu” Esplika Xefi Aldeia ne’e.
Nia akresenta Apoiu husi parte governu nian ne’e ba dalarua ona, Ante ne’e ha’u mós esforsu husu ba Organizasaun Naun Governu (ONG) sira, kompaña balun hodi hetan ajuda.
Xefi família iha aldeia 30 de agustu ne’e hamutuk 1000 resik, Maibé agora dadaun simu apoiu hamutuk 253.
Entertantu, Nesesidade básika ne’ebé SEKOOP distribui mak hanesan, fo’os sumpremi, inklui neseidade básika sira seluk.Leo
