Armanda Kandidata Hodi Kompete Elisaun PR 2022-2027

Naunil Media (Díli), Ministra Solidaredade Sosial no Inklusaun (MSSI) no Vise Primeira Ministra Armanda Berta Dos Santos agradese ba Partidu Kmanek Haburas Unidade Nasionál Timor Oan (KHUNTO), ho nian Estrutura Nasionál , ne’ebé  deside Armanda Berta Dos Santos atu kandidata hodi Kompete eleisaun Presidenti Repúblika ba periodu 2022-2027.

Armanda Berta Dos Santos hato’o asuntu ne’e  liu husi konferensia nasional  ne’ebé  mak Partidu KHUNTO realiza iha sede KHUNTO iha Manleuana Díli, sabadu (26/06).

“Hau fó agradese tomak ba imi hotu nia apoiu espesial ba partidu KHUNTO ne’ebé  mak fó fiar mai atan hau ,hodi bele kompete iha eleisaun presidensial tinan 2022.” Dehan Armanda

Ho ida ne’e  nia fiar katak sei kontinua halo buat hotu ne’ebé  deside ona ba povu no nasaun, tanba ne’e nia fiar katak sei hetan rejultadu ne’ebe  diak iha eleisaun presidensial ba tinan oin.

Nia hatutan ,kandidatu ba presidensial ne’e  la’os atu kompete ho lider nasionál  sira, maibé hatudu katak jerasaun foun sira mós hakarak atu kontribui ba nasaun no povu ida ne’e.

“Imi kandidatu ha’u, laos ha’u atu kompete ho ha’u nia aman sira ka luta nain sira, maibé oinsa atu bele hatudu katak ha’u nia komtribuisaun ba nasaun no mós povu ida ne’e”, hateten Berta

Ikus Nia dehan, tanba ne’e Estrutura Nasionál Partidu Kmanek Haburas Unidade Nasionál Timor Oan KHUNTO husi Nasionál to’o baze sei esforsu makas hodi bele atinji mehi ne’e. Ipe