CNRT Kestiona Desizaun Governu Obrgatóriu Idozu Tenke Vasina
Naunil Média (Díli), Deputadu Bankada Partidu Congresso Nacional de Reconstrução de Timorense (CNRT sigla portugés), deputadu Ricardo Batista kestiona ho desizaun obrigatóriu governu ne’ebé haruka idozu sira simu subsídiu tenke vasina uluk.
“Iha vasina ne’e rasik dehan la obriga, realidade, xefe aldeia sira uza toa, hodi haruka komunidade sira tenke ser ba vasina, to’o katuas ferik sira atu ba simu de’it osan terseira idade mós tenke ser ba uluk lai vasina”, deklara deputadu CNRT Ricardo Batista ba jornalista iha plenáriuiha uma fukun parlamentu nasionál, segunda (28/06).
Nia afirma, tanba iha implemensaun vasina prevensaun Covid-19 ne’e, governu rasik deklara pozisaun sei la ba monu ain ba populasaun sira atu haruka simu vasina.
“ Bankada CNRT ko’alia tanba bazeia ba evidénsia ne’ebé simu husi terenu no pozisaun CNRT prontu atu hatudu evidénsia ne’e ba governu”, katak nia.
Nune’e mós, Deputada Maria Verginha Ana belo hatete, nia parte lamenta ho deklarasaun Ministériu Saúde nian ne’ebé foin rekoiñese vasina AstraZeneca labele fó ba ema ho idade 18 ba leten.
“Sasán sira ne’ebé tenke ministériu relavante esplika ba públiku, antes obriga populasaun sira simu vasina, depois iha impaktu tiha hanesan ne’e pior liután ikus ona mak governu foin rekoiñese AstraZeneca, ne’e los duni tuir peritu sira katak ita labele fó duni ba idade menus husi 50 anos mai kraik”, hatete nia.
Pozisaun CNRT sempre hato’o kestaun ida ne’e husi implementasaun vasinasaun AstraZeneca, maibé govenru la intrese.
Nia afirma, bainhira foin atu implementa vasinasaun, mai iha ne’e dehan 18 ba leten ne’e hotu hotu tenke simu, ida ne’e mak agora sai problema”, nia preokupa. Ana
