FEATUREDIkus LiuNewsPolitika

FRETILIN Kestiona Kapsidade Governu Kona-bá Fundu Covid-19

Fahe Tutan

Naunil Médi (Díli), Deputada Bankada apoiu governu Frente Revolusionáriu Timor-Leste  Independente (FRETILIN) Maria Angélica Rangel da Costa dos Reis, Kestiona maka’as kapasidade governu kona-bá ezekusaun orsamentu ne’ebé aloka  ba fundu Covid-19.

“Bazeia ba konstituisaun artigu 145 iha alinea 3 koalia kona-ba Parlamentu Nasionál bele ejize membru governu sira hodi buka hatene oinsá ho sira nia ezekusaun, tanba to’o agora foin atinje pursentu 34.9”, dehan Deputada Bankada Frente Revolusionáriu Timor-Leste  Independente (FRETILIN) Maria Angélica Rangel da Costa dos Reis ba jornalista sira iha plenária Parlamentu Naionál, segunda (28/06).

Reprezenta povu ne’e hatutan, ejizénsia mai husi osan ne’ebé mak ita tau tiha ona, aprova tiha ona iha ratifikativu, ejizénsia mai husi ita nia komunidade.

“Bankada Fretilin hare’e katak, ezekusaun pursentu ne’e foin atinje 34.9%.tanba kompaña sira ne’ebé oferese hahán ba ema sira iha kuarantena mós to’o agora balun la selu, nomós ema nia frontline barak mak la selu”, katak nia.

Oinsá, se ita la selu ema nia direitu sira ne’e atu hetan mós ezekusaun ba orsamentu anual ne’ebé mak parlamentu nasionál aprova iha ratifikativu ida ne’e,nia kestiona. Ana

Leave a Reply

Your email address will not be published. Required fields are marked *