Pedidu Governu, PR Husu PN Renova Estadu Emerjénsia
Naunil Média (Díli), Xefe Casa Civil Francisco Maria de Vasconcelhos, Informa Prezidenti Repúblika Francisco Guterres “Lú Olo” prezide Reuniaun Konsellu Superior Defeza Seguransa no Reuniaun Konsellu Estadu, tanba simu pedidu husi Governu no husu ba Parlamentu Nasionál atu renova estadu emerjénsia EE ba dala XV.
“Ha’u hakarak informa katak reuniaun Konsellu Superior defeza Seguransa i reuniaun Konsellu Estadu hotu ona, tanba pedidu governu nian mai to’o iha prezidenti Repúblika, atu husu ba Parlamentu Nasionál atu renova estadu emerjénsia”.dehan xefe Casa Civil Francisco Maria de Vasconcelhos ba Jornalista sira hafoin remata reuniaun Konsellu Superior Defeza Seguransa no Reuniaun Konsellu Estadu ne’ebé Prezide husi Prezidenti Repúblika Francisco Guterres “Lú Olo” iha palásiu Prezidenti Nicolau Lobato Bairru Pite, segunda (28/06).
Xefe Casa Civil hatutan, medidas nafatin hanesan uluk, maibé konsiderasaun bo’ot liu mak agora dadauk Virus Delta ho alfa ne’ebé mak komesa espailla nasaun barak ona.
Francisco hateten, medidas sira ne’e bainhira haruka ba Parlamentu nasionál aprova prezidenti repúblika dekreta, no medidas sira ne’e guvernu mak tenke iha responsabilidade, atu halo dekretu ida kona-bá oinsá implementa estadu emerjénsia iha teritoriu tomak liu-liu iha fronteira terrestre, iha tasi no mós aviaun.
Iha Fatin hanesan Diretor Fongtil Daniel Santos Do Carmo hatutan iha estadu Emerjénsia buat ne’ebé mak Fongtil kestiona mak Timor-Leste iha estadu emerjénsia no foin dada de’it komfinamentu obrigatoriu, maibé polísia Nasionál Timor-Leste (PNTL) la kontrola masimu ona.
“Ita iha estadu emerjensia pois ita foin dada de’it komfinamentu obrigatoriu, ita nia polísia nasionál Timor-Leste (PNTL) sira la kontrola masimu ona fim de semana ema halo ona festa ne’e englomerasaun” hatete Diretór Fongtil.
Diretór ne’e hatutan, oras ne’e guvernu esforsu hela oinsa atu halo vasina no foin aselera oituan, tanba ne’e mak sujere polísia nasionál Timor-Leste (PNTL) kontinua aselera servisu ho didi’ak.
“Oinsa ita nia PNTL sira halo kontrola didi’ak ba atividade englomerasaun sira liu-liu festa sira ne’e, ha’u haree ema barak iha osan se iha osan tanba sa la apoiu ba ema ne’ebé mak araska, maibé balun halo festa ne’e ladun di’ak entaun ita husu PNTL atua ida ne’e” katak nia.*Jos
