FEATUREDIkus LiuNewsSaude

Virus Delta Hahu Tama Indonézia Governu Husu Pedidu ba PR

Fahe Tutan

Naunil Média (Díli), Xefe Casa Civil Francisco Maria de Vasconçelhos, Informa variante Covid-19 ho naran Delta hahú tama iha  Indonézia,  governu husu ona pedidu ba Prezidenti Repúblika atu renova estadu emerjénsia (EE) ba dala XV.

“Informasaun ne’ebé mak ita simu katak Virus ida delta mós hahú tama iha Indonézia tanba ne’e mak ohin governu husu pedidu, ohin konsellu rua ne’e reuni ona i rekomenda ba Prezidenti Repúblika atu hato’o ba Parlamentu Nasionál”.dehan xefe Casa Civil Francisco Maria de Vasconçelhos ba jornalista sira hafoin remata reniaun konsellu superior defeza siguransa no reniaun konsellu estadu ne’ebé mak preside husi Prezidenti Repúblika (PR) Francisco Guterres “Lú Olo” iha Palásiu Prezidenti Nicolau Lobato Bairru Pite, segunda (28/06).

Xefe Casa Civil hatutan, parlamentu nasionál bele diskute aprova ou laparova sira aprova lori mai iha prezidenti Repúblika, depois sei públika iha jornál da Repúblika hanesan baibain, tanba estadu emerjénsia sei trata lalais tarde liu aban dadersan lori ba, tenta posivel ohin bele lori ba iha parlamentu nasionál.

Nia dehan, medidas sira ne’ebainhira haruka ba parlamentu nasionál, aprova prezidenti Repúblika dekreta, i medidas sira ne’e governu mak tenke iha responsabilidade, atu halo dekretu ida kona-bá oinsá implementa estadu emerjénsia iha teritoriu tomak liu-liu iha fronteira, fronteira terrestre iha tasi no mós aviaun.

Iha Fatin hanesan Diretór Fongtil Daniel Santos Do Carmo hatutan, iha estadu emerjénsia buat ne’ebé mak Fongtil kestiona mak Timor-Leste iha estadu emerjénsia no foin dada de’it komfinamentu obrigatoriu, maibé polísia nasionál Timor-Leste (PNTL) la kontrola masimu ona.

“Agora buat ruma ne’ebé ami kestiona mak  ita iha estadu emerjénsia, depois ita foin dada de’it konfinamentu obrigaroriu ita ninia PNTL sira la kontrola masimu ona, fim semana ema halo ona festa englomerasaun”.dehan diretór Fongtil Daniel Santos do Carmo

Daniel hatutan, Variante foun ida agora delta ne’e iha Indonézia ida ne’e perigu, agora halo hela esforsu, esforsu governu nian atu vasina, agora foin aselera uituan variante foun mosu, entaun oinsá mak PNTL sira bele halo kontrola didi’ak ba atividade englomerasaun, liuliu festa sira nee.

Nia haktuir, Ema barak mak iha osan, sira iha osan nusa la apoiu ema sira agora araska loos ne’e entaun husu ba  PNTL haree ba ida ne’e, konfinamentu obrigatoriu mak laiha maibé serka sanitária sei la’o hela, haree membru PNTL sira lahatene sira nia knaar di’ak oinsá atu asegura englomerasaun no atividade sira halibur ema barak.

Nia mós husu ba governu oinsá kontrola masimu iha fronteira, se virus Delta ne’e tama iha Kupang ne’e tahan la biban.*Jos

Leave a Reply

Your email address will not be published. Required fields are marked *