EdukasaunFEATUREDIkus LiuNews

Austrália Sei Fó Bolsu Estudu ba Timoroan iha Tinan 2022

Fahe Tutan

Naunil Media (Díli), Embaizadór Austrália iha Timor-Leste Peter Roberts, Informa Governu Austrália sei fó bolsu estudu ba timoroan iha tinan 2022.

“Maske foin lalais ne’e mosu inundasaun no restrisaun COVID-19 nian, feto na’in 176 no mane 192, inklui ema ho defisiensia 16 aplika ona ba oportunidade atu estuda iha universidade sira ne’ebé di’ak liu iha Austrália iha tinan 2022.

Nia hatutan, aplikasaun ba Bolsa Estudu Austrália iha Timor-Leste sa’e hosi porsentu 38 to’o númeru ida ne’ebé aas liu hotu iha tinan 2021, ho aplikasaun ne’ebé submete hamutuk 368 kompara ho 282 iha tinan 2020.

“Aplikasaun hosi feto sira mós aumenta porsentu 28 ba iha aplikasaun tinan uluk nian, no aplikasaun hosi ema ho defisiensia sa’e dala tolu”, katak nia.

Nia dehan, wainhira bolseiru sira ne’e gradua, sira sei hola parte iha antigu alunu 339 uza sira-nia edukasaun exelente hodi kontribui ba dezenvolvimentu Timor-Leste nian.

Informasaun detallu konabá Bolsa Estudu Austrália iha Timor-Leste no oportunidade kursu badak iha futuru, vizita ami-nia website www.Austráliaawardstl.org ka kontaktu ekipa bolsa estudu scholarships@Austráliaawardstl.org, Nia hakotu. Ana

Leave a Reply

Your email address will not be published. Required fields are marked *