PR Nomeia José Reis Nu’udar Enviadu Estraordinariu Ba Simeira CPLP
Naunil Media (Díli), Prezidenti Repúblika (PR) Francisco Guterres “Lú Olo” nomeia José Maria dos Reis nu’udar Enviadu Estraordinariu prezidenti Repúblika ba XIII konferensia xefe estadu no governu iha Comunidade Paises da Lingua Portuguesa (CPLP)
“Prezidente Repúblika (PR) Francisco Guterres “Lú Olo” liuhusi Dekretu PrezidentI Repúblika númeru 38/2021, 29 juñu, nomea Vise-Primeiru-Ministru no Ministru Planu no Ordenamentu José Maria dos Reis nu’udar Enviadu Estraordináriu Prezidenti Repúblika ba XIII konferénsia Xefe Estadu no Governu Comunidade dos Paises de Lingua Portuguesa (CPLP)”, hateten Komunikadu ne’ebé mak Naunil Media asesu husi media PR kuarta (30/06).
Iha 17 jullu 2021, iha Luanda, Angola, XIII Konferénsia Xefe Estadu no Governu CPLP sei hala’o ho partisipasaun husi ninia Xefe Estadus-membrus.
Tuir Konstituisaun Repúblika Demokrátika Timor-Leste estabelese iha númeru 1 husi artigu 74 hateten, katak Prezidenti Repúblika nu’udar simbolu no garante independensia nasionál, unidade estadu no funsionamentu regular instituisaun demokrátikas.
Haree ba interese espesial ba reprezentasaun Repúblika Demokrátika de Timor-Leste, sai nesesáriu hodi nomea Enviadu Estraordináriu Prezidente Repúblika iha Simeira alto nivel ida ne’e, maske iha situasaun pandémika ne’ebé la’o hela iha nível global no nasionál no implementasaun estadu emerjénsia nia laran.*Jos
