Tenente General Lere Informasaun Barak Artemasiais Balun Tenta Ba Atambua

Naunil Media (Díli), Xefe Estadu Maior das Falintil Forsa Defeza Timor-Leste (F-FDTL) Tenente General Lere Anan Timur hateten agora dadauk artemasiais balun iha Atambua no balun tenta atu ba

“Ami ko’alia kona-bá seguransa fronteira ninian agora dadauk ne’e informasaun barak liu-liu artemasiais husi PSHT balun dehan agora iha ona Atambua ne’ebá balun agora tenta atu ba ne’e tan”, dehan xefe estadu maior das Falintil Forsa Defeza Timor-Leste (F-FDTL) Tenente General Lere Anan Timur ba Jornalista sira hafoin enkontru ho Prezidenti Repúblika (PR) Francisco Guterres “Lú Olo” iha Palásiu Prezidenti Nicolau Lobato Bairru Pite Kuarta (30/06).

Lere haktuir, uluk reuniaun Konsellu Superior Defeza Seguransa mós ha’u hatete ita labele reforsa de’it fizikamente seguransa fronteira reforsa mós medidas administrativas ba sira ne’ebé ilegal ne’e.

“Labele ema ilegal mai  kaer hatama ba kuarentena estadu selu ninian hahán ninia otel husik fila fali ba fali mai fali kaer tan ida ne’e labele akontese”, katak nia.

Lere mós hateten sira reforsa seguransa fronteira mas justisa mós tenke koopera hodi motiva sidadaun no buat ne’e lá’os halimar no kondena de’it maibé tenke kriminaliza sidadaun sira ne’ebé tama sai ilegal iha fronteira ne’e. 

“ami sei reforsa seguransa fronteira ninian mas justisa, mós tenke koopera ho ami para fó motivasaun purke, tanba buat ne’e lá’os halimar i labele kondena de’it sira ne’ebé mak ba sorin sira rua nolu tolu nolu ne’e nusa mak labele detekta entaun ema ruma fasilita entaun aperta ema ilegal ne’e, para denunsia se mak fasilita sira tantu polísia ka F-FDTL ka populasaun kriminaliza hotu purke selae ita halimar ho buat sira ne’e”.dehan Lere

Nia dehan, liu-liu ba artemasiais sira agora sira bá sorin dehan atu hamanas fita i kuandu mai fali ne’e sempre problema iha ona, problema iha Timor mak tauk liu direitus umanus, mas direitus umanus ne’e kuandu viola direitus umanus ne’e iha nia esplikasaun.

Lere mós fó hanoin katak alin sira artemasiais  labele abuza demais, nu’udar Timor oan hakarak hotu-hotu koopera ba estabilidade nasaun ninian koopera ba planu ministeriu saúde ninian atu nune’e komunidade labele hetan tan moras, Purke uluk dehan Corona komesa saida ne’e la’ós hetan iha Timor ne’e sira iha sorin mak lori mai  lakohi para agora foun ne’e lori tan mai iha ne’e.

Iha enkontru ne’e Prezidente Repúblika Husu Tenente Jeneral Lere atu reforsa duni seguransa no Tenente Jeneral  hatan sira hanoin atu reforsa seguransa iha liña fronteira ho fizikamente ne’e bele mas maibé tenke reforsa kestaun medidas.

“Iha fatin fronteira ninian dehan katak reforsa duni maibé antes prezidente Repúblika ko’alia ha’u dehan ami hanoin atu reforsa liña fronteira maibé ha’u hatete ba Prezidente Repúblika ita reforsa fizikamente ne’e bele mas ida ne’e latoo tenke reforsa kestaun medidas hanesan ohin ha’u dehan katak ema ne’ebé ultrapasa mai ultrapasa ba kuandu kaer tenke kriminaliza, tribunal tenke julga purke ne’e halimar ho ema nia vida ne’e mak ha’u hanoin ita nian tenke halo ida ne’e”. Nia tenik*Jos