EUA Apoiu $ 15.6 Miliaun Saúde iha TL
Naunil Media (Díli), Embaizadór Estadus Unidus Amerika iha Timor-Leste (EUA) Kevin Blackstone, Informa EUA liu Ajensia Estadus Unidus ba dezenvolvimentu Internasional (USAID) apoiu miliaun $15.6 ba saúde iha Timor-Leste.
“ USAID $ 15.6 miliaun sei foka ba haree dadus hodi informa desizaun no aumenta finanseiru ba saúde ne’ebé di’ak, ezemplu, prioritiza governu nia fundu ba kuidadu saúde no aumenta papél setór privadu nian no kompañia seguru (asuransi,) hodi hadi’a fasilidade no programa saúde nian “, Dehan embaizadór Estadus Unidus Amerika iha Timor-Leste EUA Kevin Blackstone ba Jornalista iha salaun Novu Turizmu Lecidere, sesta (02/07).
Nia Hatutan Ekipa projetu nian sei ajuda ofisiais sira hodi halo prosedura hodi rekruta no treinu profesionais saúde sira ne’ebé kualidade hodi servisu iha teritoriu Timor-Leste.
“Sistema saúde ne’ebé forte importante tebes hodi nasaun bele prepara no apar ho pandemia no hasoru desafiu seluk ne’ebé parte saúde sira hasoru”, Katak nia.
Orgullu hodi servisu hamutuk ho governu no povu Timor-Leste atu dezenu sistema ne’ebé rigorozu bele ajuda no garante saúde ne’ebé di’ak ba futuru jerasaun, Dehan nia.
Iha Fatin hanesan Ministra Saude Odete Maria Freitas Belo Informa Aktividade ne’e ralasaun ho saude atu haforsa sistema saude ne’ebe sustentavel hodi haforsa pessoal saude sira.
“Ha’u hakarak agradese tebes inisiativa USID hahu Projetu ne’ebé foka liu ba sustentabilidade sistema saude iha Timor-Leste”Dehan Ministra Saude Odete. Ina
