Partisipasaun TL Simeira CPLP Iha Angola, Iha Área Kooperasaun Ekonómia

Naunil Média (Díli), Ministra Negósiu Estranjeiru no Kooperasaun Adalzija Magno, Hateten kona-bá Timor-Leste (TL) nia partisipasaun Simeira Comunidade Paises da Lingua Portuguesa (CPLP) iha Angola sei Fokus liu área  kooperasaun ekonómia.

“Importante para ita tau hatene katak iha Simeira ita sé aprova mós kona-ba lema foun husi Prezidensiá Angola nia mak liu-liu sei fokus ba asusntus ekonómiku ne’ebé mak sei haree ba kooperasaun ekonómia nian, depois mós ita sei mós sei aprova kona-ba mobilidade ne’e mak topiku importante Timor-Leste sei partisipa hodi aprova”.dehan Ministra Negósiu Estranjeiru no Kooperasaun Adalzija Magno  ba Jornalista sira hafoin brifing ho Prezidenti Repúblika Francisco Guterres “Lú Olo” iha palásiu Prezidenti Nicolau Lobato Bairru Pite sesta (02/07).

Ministra ne’e hatutan,  ohin sira mai brifing Prezidenti Repúblika kona-bá preparasaun ba Simeira CPLP nian iha Luanda sira  brifing kona-bá assuntus hotu-hotu ba preparasaun liu-liu ba lema ka tema ne’ebé mak Angola sei uza i depois mós kona-ba planu saida mak Timor-Leste (TL) hakarak deklara iha ne’ebá anunsiu iha ne’ebá pazisaun Timor-Leste nian.

“Purtantu nia labele divulga kuandu hein semana ida tan sasán sira prontu hotu ona sira bele fo hatene sai kona-ba pozisaun Timor-Leste nian loloos ba assuntus-assuntus ne’ebé atu debate iha Luanda”, katak nia.

Nia esplika purtantu seluk sira sei divulga iha tempu badak baonhira iha tó ona tempu ne’ebé mak oportunu

Nia dehan, sira iha proposta ne’ebé mak haruka ba  Prezidenti Repúblika, maibé PR  iha ona reprezentante mak vise primeiru Ministru José Maria dos Reis

Prezidenti Repúblika mós aseita ho prosta sira ne’ebé mak MNEK fó no lia menon husi Xefe Estadu katak nia  aseita proposta sira ne’ebé mak MNEK fo para hodi deklara iha ne’ebá no semana ekipa husi Timor-Leste (TL) sei aranka ba iha Angola hodi partisipa Simeira Comunidade Paises Lingua Portuguesa (CPLP) nian iha Luanda, Haktuir nia. *Jos