Saudoza Maria da Silva Hakoi iha Jardim Dos Herois da Patria
Naunil Média (Díli), Prezidenti Repúblika (PR) Francisco Guterres Lú Olo”, liuhusi Dekretu Prezidente Repúblika númeru 40/2021, 30 juñu, rekoñese Maria da Silva ninian kontribuisaun iha luta ba independénsia nasionál.
Liu husi Komunikadu ne’ebé mak Naunil Média asesu iha media Prezidensiá Repúblika sesta (02/07/2021) katak Maria da Silva hetan onra funebre no Hakoi iha Jardim Dos Herois Da Patria Metinaro
Ho ninian kontribuisaun iha luta libertasaun nasionál, Maria da Silva iha direitu atu hetan onras fúnebres no sei hakoi iha Jardim dos Heróis da Pátria Díli, iha Metinaro.
Maria da Silva moris iha Uatolari, Viqueque, iha loron 26 fulanMarsu 1961. Oan dahaat husi maun-alin sanulu-resin ida husi ama Mateus da Silva no inan Teresa da Silva no Helena Soares.
Maria Silva hahú nia estudu iha 1968 iha Uatolari no kontinua iha koléjiu Waida’a husi tinan 1969-1973. Iha tinan 1974 kontinua estudu iha Fatumaka to’o militár Indonézia invade.
Maria da Silva hahú envolve iha luta libertasaun nasionál iha tinan 1975. Iha zona libertada, saudoza assume kargu nu’udar Sekretária OPMT no ikusmai sai assistente polítika iha Zona 17 agostu. Hafoin zona libertada rahun saudoza hetan detensaun husi tinan 1979-1984.
Maske iha detensaun preventiva nia laran, saudoza kontinua hala’o atividade klandestina ne’ebé iha ligasaun direta ho komandante Kalisá. Hamutuk ho nia aman, Maria envolve iha sesaun saúde no fornese informasaun ba luta armada no ba igreja atu lori dokumentus sai ba tasi-balun. *Jos
