Grupu Hakiak Manu-Timor iha Gugleur Liquiçá, Lamenta Folin Manu tun
Naunil Media (Maubara), Grupu hakiak Manu-Timor iha suku Gugleur, postu Maubara, munisípiu Liquiçá lameta folin manu tun.
Tuir xefí aldeia Palistla Faustino dos Santos, Informa iha grupu 18 mak hakiak Manu-Timor, durante tinan ida maibé folin Manu tun, tanba autodade munisípiu lori fali ema sira ne’ebé mak sosa manu iha merkadu mak mai hola folin tun liu, ami husu kompañia mak bele mai hola, liu liu ba hotel sira.
“Programa hakiak Manu-Timor mai husi ministeiru Agrikultura noa Peska, liu husi agrikultura munisípiu Liquiçá fó apoiu fundus kada grupu hetan osan $ 100 dolar, hodi sosa Manu-Timor hodi grupu ida idak hakiak, durante tinan ida, grupu 18 ne’e halibur Manu-Timor hamutuk 400, husi autoridade munisípiu mai kolleta sira lorin fali ema ne’ebé babain sosa Manu iha merkadu, folin la hanesan ho kompañia, tanba ne’e ami sente lakon ona, tanba lakon tempu barak hodi hakiak Manu sira ne’e, ami nia hakara lolos ne’e tenke lori konpañia ne’ebé mak sosa Manu-Timor liu liu ba Hotel sira”, Dehan xefí aldeia Palistla Faustino dos Santos ba Naunil Media via Telefone, sabadu (03/07).
Xefí aldeia ne’e hatutan, Oin grupu hakiak Manu-Timor na’in 18 mai konsentra iha suku hodi halo kolleta ba rezultadu hakiak Manu-Timor, husi grupu ne’e halibur ona Manu hamutuk 400 resin, balu lori fila tanba folin tun liu, ami bele lakon tan, kada manu ida balu hola ho folin $ 5 la hanesan ho folin baibain.
“Prosesu hakiak Manu-Timor tenke halo uma, fó han loron kalan, gasta tempu barak liu baihnira halo Manu nia fatin”, katak nia.
Dadus suku Gugleur, aldeia 11 no total poulasaun 4474, Mane 2234, Feto 2240 ho uma-kain 1111. Lop
