Irmã SSpS Na’in-8 Simu Votus, Arche Bispu: Presiza Metin Ho-Maromak

Naunil Média (Díli),  Irmã Husi kongregasaun Serva do Esprito Santo, (SSpS) na’in 5 halo premeiru votus no nain 3 halo votus perpetua no Madre na’in 2 konsagra ona nia aan iha vida kongresaun SSpS durante Tinan 25. ho Moto Misa Selebrasaun mak “Laos Imi Mak Fihir Ha’u Maibé Ha’u Mak Fihir Imi”.

Ohin Marka tan istória furak iha kongregasaun SSpS tanba iha irmã na’in 8 ne’ebé hetan ona ba maromak nia bolu hodi sai Servidor ba obra salvasaun maromak nia, no Madre nain rua mós konsagra nia vida iha kongregasaun SSpS durante tinan 25 hodi serbi maromak nia ema sira.

Irmã na’in 5 halo votus perpetua mak hanesan Irmã Albertina Dos Santos, Irmã Juliana Paru bere Maia, Irmã Natalia Consalves, Irmã Zelita Maria Imaculada, Irmã Graciana Goncalves de Deus. no Irmã na’in tolu halo votus perpetua mak hanesan Irmã Natalia De Carvalho SSpS, Irmã Fransisca Pereira SSpS, no Irmã Domingas Pinto SSpS no Madre na’in rua ne’ebé mak konsagra aan iha vida kongregasaun durante tinan 25 mak hanesan Madre Juliana Baptista no Madre Petra Abuk.

Iha Selebrasaun misa Agradesementu ne’e Arche Bispo Metropolitana Dioseze Díli Dom Virgilio do Carmo da Silva SDB, liu husi nia homilia iha Kapela SSpS Noviciada Hera, Sesta 02/07/2021 hato’o parabens ba Irmã Na’in 8 no Madre na’in ne’ebé ohin sai Bintang iha selebrasaun misa ba loron ohin nia.

“Laiha dalan seluk kaer metin ita nia relasaun ho maromak tanba ne’e mak lori ita ba ita bolu orasaun saida deit tanba vida relijioza laiha duvida orariu hahu dader too kalan, vida orasaun ne’e kongregasaun nia komunidade nia iha tiha ona hein ita tuir deit. Ida ne’ebé bolu orasaun mak lori ita fila Fali ba maromak no besik liu tan nia”, hatete Arhie Bispo Dom Virgilio.

Arhie Bispo hatutan, tanba saida mak primeiru mak orasaun, tanba vokasaun hatete Maromak bolu  se Maromak bolu ona mak la buka nia halo fali buat seluk , oinsá mak bele mantein relasaun ne’e ho Maromak.

“Hanesan mós ema ne’ebé mak kaben feto ran ida mane klosan ida domin atu sai domin sai furak ne’e oinsá, entaun sira mós tenke halo nune’e sira nia domin bele metin hodi haree ba malu”, katak Dom Virgilio.

Iha biban ne’e Dom Virgilio mós hato’o parabéns ba Kongregasaun SSpS liu-liu Irmã Na’in 10 ne’ebé mak ohin simu ona votus no Madre nain rua Konsagra  an ona ba Tinan 25.

“Parabéns ba familia no parabens ba Kongregasaun liu-liu sira na’in 10, hahu ha’u nia refleksaun ho sira nia moto ne’ebé dehan la’os imi mak fihir ha’u, maibé ha’u mak fihir imi, laos liafuan Foun maibé liafuan ne’ebé ita rona bebeik ona” hatete Bispo

Arche Bispo mós husu Irmã sira atu kaer metin prinsipiu tolu premeiru mak iha relasaun ho Maromak, segundu mak ko’alia kona-ba Santidade no ikus kona-bá pasensia.

Iha fatin hanesan Madre Regional SSpS Timor-Leste Madre Isabel Maia Do Rego SSpS hato’o agradese ba Arche Bispo Metropolitana Dom Virgilio ne’ebé mak husik tempu hodi hamutuk ho Madre sira hodi hasae karan, hasae aan no agradasementu husi Irmã Na’in 10 nia hamutuk ho asembleia tomak.

“Amo Bispo nia Prezensa hatudu no fó hanoin nafatin mai ami katak ami nia vokasaun no moris relizaun misionaria nu’udar parte integradu husi kreda universal no lokal, ami Hamoris votus no hala’o misaun tuir esperitualidade karisma kongregasaun nia iha inan kreda. Nu’udar inan kbiit laek husi inan kreda ami kontinua husu Amo Bispo nia suporta no orasaun nune’e futuru buras no diak nafatin iha Vokasaun no misaun” hatete Madre Regional SSpS TL.

Iha biban ne’e Madre Regional mós hato’o agradese ba Padre no Madre inklui mós família Husi Irmã Na’in 10 ne’ebé mak marka prezensa iha selebrasaun misa ne’e.

“Imi nia Prezensa habo’ot no haforsa karan kbiit laek ne’ebé irmã na’in 10, hasae iha loron kmanek ne’e, ami nia agradese ba santisima trindade ne’ebé liu nain lulik sira liu direita ou indireita ne’ebé suporta ami nia komunidade no uma formasaun sira iha vida sakramental, liu husi vida sakramental esperitual fó dalan no akompañia feto foin sae sira, ne’ebé hakarak koñese klean SSpS too hili dalan vida reliziosa nu’udar misionaria atan ba esperitu santo”, katak Madre ne’e.

Madre Izabel mós hato’o agradese ba Inan aman husi Irmã Na’in 10 ne’ebé husik oan hodi hili dalan vokasaun nu’udar relijioza atan ba Esperitu Santo.*Jos