Armanda Lakohi Membru Governu husi KHUNTO Komete Korrupsaun
Naunil Média (Díli), Prezidenti partidu Kmanek Haburas Unidade Nasionál Timor Oan (KHUNTO), Armanda Berta do Santos, Hateten nia parte lakohi haree memebru Governu ho membru lejislativu husi partidu KHUNTO labele komete korrupsaun.
“Ha’u sei la tolera representante partidu KHUNTO nian iha ezekutivu no lejislativu, ne’ebé maka viola regras, viola etika no viola prinsipiu no valores paridu KHUNTO nian”, dehan prezidenti partidu KHUNTO ba jornalista sira iha aniversáriu partidu KHUNTO iha sede partdu Manleuana, domingu (4/07).
Nia hatutan, hanesan ita nian lider supremu hanorin ona ba ita, tanba ita hotu presenza tan iha governu iha parlamentu ita atu servi povu ne’e estadu la’os atu servi ba ita nian aan, ida ne’e maka sentidu husi prinsipiu no valores partidu KHUNTO ninian, ne’ebé ita hotu hatenen no tane aas.
Prezidenti partidu KHUNTO ne’e apela ba miltante no estrrutura hodi mantein kalma no tuir orientasaun partidu nian.
“Ha’u apela ba ita hotu atu manatein dispilina ne’ebé maka ass tuir orientasaun lideransa supreme partdu KHUNTO nian, no asegura prinsipiu no valores partidu KHUNTO nian, koalia hodi bele servisu nian povu no nasaun”, katak nia.
Iha fatin hanesan,Konsileiru Mazimu partidu KHUNTO José dos Santos Naimori ‘Bucar’, reforsa husu memebru Governu partido KHUNTO tenke servisu povu partidu interese povu bo’ot duke sira nia aan.
“Ha’u husu ba iha memebru Governu husi partidu KHUNTO atu hatudu servi povu tau interese povu duke ba imi nia aan”, katak nia.
Nia dehan, Imi halai kareta iha dala karik labele halai makas hodi provaka rai rahun ba povu sira, konsidera sira maka imi atu servi sira. Ana
