Bankada Fretilin husu CNRT Labele Simu Bandeira Fretilin husi Afiliasaun

Naunil Média (Díli), Bankada apoiu governu Frente Revolusionario Timor-Leste Independensia (Fretilin sigla portugés), Antonino Bianco, Husu ba partidu Congresso Nacional de Reconstrução Timorense (CNRT sigla portugés)  labele simu bandeira partidu Fretilin husi militantes ne’ebé atu afilia ba CNRT.

“Tanba partidu Fretilin nunka atu afiliasaun ba iha partidu seluk, no militantes ne’ebé ba labele entrega fali bandeira partidu nian, ba fali partidu CNRT, laiha dalan tanba, bandeira Fretilin nunka afilia ba ema seluk”, Dehan deputadu Fretilin Antonino Bianco ba jornalista sira iha plenária iha uma fukun parlamentu nasionál, tersa (06/07).

Reprezenta povu ne’e hatutan, fó hanoin ba partidu CNRT, loron ruma militantes ruma atu afiliasaun labele simu bandeira Fretilin ba partidu CNRT.

“Fretilin nunka halo hanesan ne’e, maibé partidu CNRT hodi hatudu ba públiku katak Fretilin afiliasaun ba partidu CNRT”, Katak nia.

Nia sujere, husu atu eduka militantes ho kuadrus sira antes atu ba halo reajustamentu hodi labele simu arbiru ema nia bandeira.

Hatan ba kestaun ne’e, deputadu Bankada CNRT, Domingos Carvalo, hateten CNRT seidauk simu militantes husi partidu seluk atu afiliasaun ba partidu CNRT.

“Maibé  haree ba kestaun ema ne’ebé lori partidu Fretilin hodi afiliasaun ba partidu CNRT, tenke bazea ba ema ne’ebé lori bandeira ne’e”, Katak nia

Nia hatutan, ema ne’ebé mai afiliasaun no avilia ne’e prolema ema nia no labele temi CNRT, tanba CNRT ne’e maun Xanana nia partidu.

Reprezentante povu ne’e hateten, sese de’it mak atu ba hamutuk ho maun Xanana, maun Xanana loke liman hodi simu sira. Ana