MS Odete: Hilaria Mate Laos Tanba Vasina AstraZeneca

Naunil Media (Díli), Ministra Saúde Odete Maria Freitas Belo, Informa kona­-bá Hilaria de Jesus nia mate laos tanba vasina AstraZeneca, tanba la halo otopsia la halo visun ba mate isin.  

“Rezultadu Ami nia ekipa ne’ebé mak toma konta ba reasaun vasina nian sei hato’o informasaun mai ita, tanba ita la halo otopsia ba pasiente no ita la halo visun ba mate isin ne’ebé mak iha, maibé ho informasaun ne’ebé mak ita hetan iha Hospital nia prosesu tomak ne’ebé mak  halo no liga  efeitu ho vasina ne’ebé mak ita koalia, moras ne’ebé mak oho ita nia maluk feto ne’e laiha relasaun no dook teb-tebes husi vasina ne’e nia efeitu”, Dehan Ministra Saúde Odete Maria Freitas Belo hafoin sorumutuk ho Primeiru Ministru (PM) Taur Matan Ruak   iha Residensia PM  Farol, Tersa  (06/07).

Odete  Esplika, felizmente ita nia feto maluk mate iha tempu ne’ebé mak simu vasina tuir ministeriu saúde no mediku sira normalmente kuandu ita mate tanba moras,  família no públiku kestiona entaun ita tenki halo visuu Entry pet um ba pasiente hodi haree mate isin ne’e oinsa to’o iha konkluzaun ida lo’os nian mak tenke halo otopsia.

“Tanba ne’e ba kazu ida ne’e ita la hetan informasaun, maibé informasaun ne’ebé ita hetan ne’e husi infermeiru no mediku sira, maibé husi família ne’e ita la hetan informasaun, ita atu husu ba família durante ne’e nia iha moras ruma klae?   no semana ida liu ba ne’e  nia konsulta ka lae? entaun informasaun sira kiik oan hanesan ne’e ita hakarak  hetan  husi família, maibé ita la hetan no susar ba ita atu hatene durante ne’e nia hetan tiha ona moras ka lae?, susar teb-tebes ita atu hatene”, Dehan MS Odete.

Atividade kampaña vasina ne’e ita hotu-hotu tenke kopera, keta halo akontese kazu  ruma mate ka moras rins entaun ita tenke kopera, hodi ita bele hatene nia kauza ne’e saida?, hodi nune’e governu foti desizaun,  la’os duni vasina mak halo  ami nia ema ne’e mate, ami diside la uza vasina ne’e ami bele uza fali vasina seluk.Dehan nia.

“Ita hakarak hatene moras saida de’it mak halo ran sai husi ibu no inus primeiru kontestu ita haree ba iha Timor-Leste ne’e kazu tuberkuloze sei barak no kankru pulmaun ne’e nia numeru a’as,tanba ne’e banhira ema mate ho hemoptus mate ran sai paruparu ne’e tuberkulozu ida mós kankru, ikus liu haree bakteria ruma iha nia pulmaun ne’e, keta kleur ona nia sofre moras hepatitis roma karik,  la halo otopsia ba nia, maibé família tenke informa nia istória moras ne’e, hodi ita bele liga ba diagnosa ne’e ba malu maibé ita atu halo diferensia diagnosa entre vasina dehan mate tanba vasina”,  Esplika MS Odete.

Nia dehan, maske la relasaun ho vasina maibé ita sura nafatin ema nain 3 ka 4 ne’ebé mak mate ami dehan laiha relasaun ho vasina, maibé sura nafatin no tau nafatin iha  ministeriu saúde, nota hamutuk ho organizasaunsaúde mundial (OMS), hodi haree nia mate ne’e tanba saida? ami bele buka fali nia istória konsulta hodi haree ema ne’e uluk iha moras ruma la detekta no tempu ne’ebé mak nia simu vasina ikus disidi ho ninia mate. Ina