OJE-2022, MS Aloka $8 Miloens hodi Hari Postu Saúde ho Rezidensia- Mediku
Naunil Media (Díli), Ministra Saúde (MS) Odete Maria Freitas Belo sei aloka $8 miloens ba Orsamentu Jerál Estadu (OJE) tinan fiskal 2022, atu hari Postu saúde no rezidensia ba mediku sira iha Teritoriu Timor-Leste.
“Orsamentu ba tinan fiskal 2021 ha’u la iha kalkulsaun ne’ebé mak klaru, maibé ba tinan 2022 ita koloka hela orsamentu $8 miloens atu bele hare ba iha Postu saúde sira ne’ebé mak ita hakarak hari tan, laos Postu saúde de’it maibé nafatin ita halo ba iha rezidensia mediku sira nian iha Teritoriu laran”,Dehan Ministra Saúde(MS) Odete Maria Freitas Belo ba Joranalista hafoin sorumutuk ho Primeiru Ministru (PM) Taur Matan Ruak iha Rezidensia PM Farol,tersa (06/07).
Guvernante ne’e hatutan, Ohin enkontru ho Primeiru Ministru (PM) Taur Matan Ruak atu hatene liu kona-bÁ programa sira liu-liu ba iha asuntu infraestrutura.
“Tinan 2021 ne’e ita nia infarestrura konstrusaun hira no tinan 2022-2023, ita planU atu halo saida? ohin ita relata planu ne’ebé mak iha ona no relata atividade konstrusaun sira ne’ebé mak iha hela prosesu”, Tenik Nia
Aleinde ne’e iha tinan 2021 MS iha nafatin konstrusaun sira ne’ebé mak haree iha prosesu tinan 2020 liu-liu ba iha Covid-19.
“Ita iha projetus 44 ne’ebÉ mak hala’o hela liu-liu konstrusaun ne’ebé importante liu mak ICU ba Covid-19 nian, laboratóriun iha sentru Saúde sira no mós iha konstrusaun balu ne’ebé mak la kompletu, dalaruma mediku sira hakarak halo inspesaun ba fatin ruma ne’e ita hadia”, Nia informa.
Nune’e MS iha konstrusaun 9, hitu ba Postu saúde hamutuk ho rezidensia mediku sira nian, no mós konstrusaun iha Maliana ba iha fatin pediatria no fatin baixa ba adultu sira.
“Ita iha Projetu sia ne’ebé mak balun atinji ona pursentu 100 no ita uza ona hanesan Tasi-Tolu, Lahane no balu atinji Pursentu 80 no 90 hein atu hotu maibé iha balu foin mak inisia iha Projetu 4-5 iha prosesu tenderijasaun”, Katak nia.
Prosesu tenderijasaun ne’e tau prioridade liu ba iha postu saúde no rezidensia sira ne’ebé mak MS planeia hela atu hala’o hanesan, hari Postu saúde no rezidensia mediku sira iha teritoriu laran ne’ebé MS sei koloka orsamentu OJE 2022. Ina
