Evita Virus Covid-19 variante Delta Tama TL Horta, Husu Governu Reforsa Kontrola Liña Fronteira
Naunil Media (Dili) Relasiona ho Virus Covid-19 varian Delta (B.1.617.2) ne’ebé dadun ne’e númeru sae makas Iha nasaun viziñu Indonesia, eis prezidenti da repúblika José Ramos Horta husu governu atu reforsa makas hodi kontrola liña fronteira terestre.
Laureado Novel da Paz, ható asuntu ne’e hafoin sai orador II iha seminariu ho tema “International Seminar on The Develoment Of Global Dizitaliation And its Impacts On Timor-Leste” ho nia subtema úniku Dalan Maka adapta, domina ho di’ak no loos atu fó benifisiu ba estadu.
Horta deklara Virus refere hanesan ameasa foun ida ne’e hahu mosu iha India hodi hamate ema barak, tanba ne’e Timor-Leste presiza atensaun makas.
“presiza kontrola makas liña fronteira, atu evita moras Variante delta tama mai Timor, tanba moras ne’e atu mai liu hosi nasun vizinu idonesia, tanba agora dadaun númeru sae makas”, hateten eiz prezidenti, ne’e iha Timor Plaza, kuarta (07/07).
Iha biban ne’e Lider diplomata ne’e husu ba sidadaun hotu-hotu atu tuir vasinasaun Covid-19 hodi proteje aan hosi amesa Virus Covid-19 variante delta.
Tuir dadus dadaun ne’e iha nasaun Indonesia rejista kazu Virus Variante hamutuk 8.348 ema ne’ebé mate ona hamutuk 79,nune’e dadaun ne’e Virus Covid-19 variente delta komesa invade ona nasaun liu 97, inklúi nasaun Viziñu Indonesia ho Australia.DMS
