FEATUREDIkus LiuNewsSeguransa

Delta LabeleTama TL, Komisariu Faustino Husu Joven Mantein Displina

Fahe Tutan

Naunil Média (Díli), Oras ne’e Moras Covid-19 variante foun Delta tama ona nasaun vizinu Indonézia, no atu prevene moras ne’e labele tama Timor-Leste (TL) mak Komnadante Gerál Polísia Nasionál Timor-Leste (PNTL) Komisariu Faustino da Costa husu joven mantein displina no tuir regra ne’ebé iha.

“Se ita hakarak variante foun ne’e labele tama Timor-Leste (TL) se ita boot hotu hakarak ita ne’e livre husi Corona Virus ida ne’e disiplina no displina intermus saida, hotu-hotu kumpre regra ne’ebé iha no kopera ho autoridade hotu ne’ebé iha” Dehan Komandante Jerál Polísia Nasionál Timor-Leste (PNTL) Komisariu Faustino da Costa  ba jornalista sira hafoin sorumutuk  ho Prezidenti da Repúblika (PR) Francisco Guterres “Lú Olo” iha palásiu Prezidenti Bairru Pite, kinta (08/07/).

KOMJER hatutan Timor-Leste (TL) ne’e molok sai nasaun ema rihun mak sai husi Timor tanba iha oin koalia ida no kotuk koalia buat seluk.

“Se ita mak nafatin iha oin dehan ami prontu maibé iha kotuk idak idak hakarak halai subar halo atividade negosiu illegal, ne’e ita mak sei lori moras ne’e mai realidade hatudu ita kaer ema sira ne’ebé mak hakarak ba sae sabuk mai ita aprezenta ita mós kaer ema ne’ebé hakarak nafatin ba hola sasan husi sorin lori mai” dehan Nia.

Faustino hateten bele buka moris halo negosiu maibé buka negosiu buka mós moras, tanba iha nasaun vizinu moras ne’e iha ona tanba ne’e mak presiza konsente.

Nia hatutan se polísia no forsa deit mak tau iha fronteira no komunidade hela besik fronteira laiha kooperasaun diak mak polísia Forsa rihun tau hotu fronteira mós sei lahalo buat ida.

Iha biban ne’e Komjer aprezenta situasaun anivel nasionál ba Prezidenti da Republika (PR), no aktualiza mós informasaun balun kona-ba akontesementu sira liu-liu kazu ida membru ida nia, no polísia fó seguransa ba ministeriu ka diresaun relevante sira ba ezekusaun mandadu sira ne’ebé iha.

“Ami aprezenta ba Prezidente Repúblika (PR) kona-ba asaun fronteira nia katak iha estadu emerjensia ne’ebé mak iha alende ita reforsa seguransa tantu Unidade Maritima no mós unidade komando Munisípiu sira ne’ebá ami aprezenta informasaun sira ne’e ba Xefe estadu” hatete Komando Jeral PNTL.

Komandante Jeral PNTL hatutan kona-bá kazu Membru Polísia ida ne’ebé mak deskomfia oho husi nia laen prosesu lao hela.

“Ida ne’e prosesu lao hela klaru katak husi autór no nia família mós ita nafatin husu atu kopera nune’e bele entrega aan”,  Katak nia. *Jos

Leave a Reply

Your email address will not be published. Required fields are marked *