FONGTIL OGE 2021 Governu Tenke Sustenta ba Povu TL
Naunil Media (Díli), Diretór ONG FONGTIL Daniel Santos do Carmo, orsamentu jerál estadu tinan fisKal 2021, governu tenke sustenta ba povu Timor- Leste.
” Nune’e governu da ualu konstituisional hahù diskusaun iha jornada orsamental ba Orsamentu Jerél Estadu loron 29 Juñu 2021 ho tema, Kualidade orsamentu kresimentu inklusivu no sustentável, natureza husi debate iha jornada orsamental mak atu defini prioridade nasionál ba tinan fiskal nian, desafius komun sira ne’ebé mós nafatin hetan atensaun máxima husi diskusaun mak hanesan situasaun Covid-19 iha Timor Leste, no inundadasaun no rai monu”, Dehan Diretór ONG FONGTIL Daniel Santos do CarmoBA jornalista sira iha Salaun FONGTIL Kaikoli, kinta (08/07)
Nia hatutan, iha Jornada orsamental ba orsamentu Jerál Estadu 2022 nian ho tetu orsamentu fiscal US$1.5 Bilhões defini ona Programa prioritários 6 mak hanesan,Kapital Sosiál (Edukasaun, formasaun profisional no Saúde, Abitasaun no Inklusaun Sosiál, Seitór Produtivus Agrikultura, Turismu, Ambiente no konektividade ,Desenvolvimentu Seitór privadu, Desenvolvimentu rural.
Nia dehan, Sosiedade sivil apresia tebes ba seriedade governu nian ne’ebé mai duni ho fundamentu kapasidade iha análise konteistual no análise situasaun Timor-Leste nian.
“Tanba ne’e bele identifika seitores prioritarius ne’ebé aserta duni ba necessidades no desafiu povu no ba sustentabilidade Timor-Leste nudar estadu Sosiedade sivil fiar katak, ho definisaun programa prioridades nasional ba tinan fiscal 2022, sei tulun atu hadi’ak ita nia edukasaun iha nia asesu no nia kualidade, dau-daun ne’e ita infrnta desafiu wainhira iha prosesu desenvolvimentu”, katak nia.
lha apeitu bee-moos saneamentu, sei tulun familia sira hotu asesu ba bee -moos ne’ebé seguru no sustentável liu husi hadia infraestrutura bee-moos no saneamentu hodi garante distribuisaun bee-moos ba ema hotu, Nia sujere.
Sosiedade sivil deklara katak apoiu tomak ba inisitiva governu nian hodi hadia povu nia moris liu husi orsamentu estadu 2022 no sei mobiliza mós apoiu husi komunidade Timor-Leste no komunidade internacional ba polítika brillante governu Timor-Leste ida ne’e, sosiedade sivil mós sei halo sosializasaun maka’as liu tan no halo konsiensializasaun ba komunidade
atu bele simu vassina hodi kria kondisoens ba governu bele servisu di’ak liu tan, iha implementasaun programa sira, ami husik konfiansa tomak ba governu hodi hein atu servisu hamutuk”, INA
