Mericio: Save Liberdade Impresa Maka Idepedensia Editorial
Naunil Média (Díli), Sekretariu Estadu ba Komunikasaun Sosiál (SECOMS-Sigla Português) Mericio Juvinal dos Reis “Akara” informa, Save importante husi liberdade impresa maka idepedensia editorial, Nune’e kualker intervensaun politika labele tama idepedensia editorial.
“Ba media estadu sira hotu, Ami bele fó orientasaun jerál tanba lei dehan media labele halo intervensaun politika iha sira nia idenpedensia editorial, Tanba media sai hanesan pilar importante atu provome demokrasia saudavel,” Dehan SECOMS Mericio Juvinal dos Reis “Akara” ba jornalista sira iha intervensaun, Seminar Internasionál, iha Timor Plaza, Kuarta, (07/07).
Nune’e Governu iha opsaun ida deit atu fó nafatin formasaun hodi kapasita media sira hotu-hotu tenke iha kapasidade, Atu nune’e loron ruma ita hotu iha konsiensia atu servisu tuir deit kode etika jornalista nian.
Nia haktuir, Governu iha nafatin intensaun nó nia komitmentu katak asegura no garante Liberdade impresa ho Liberdade expresaun.
“SECOMS Sei mantein komitmentu ida ne’e tanba Kontituisaun da Republika deTimor-Leste(K-RDTL) hateten duni nune’e, Ita laiha hanoin atu bandu no block kualker media iha Timor-Leste planta forma dijital” nia esplika
Mericio dehan, Media hotu hotu ida ne’ebé mak hakarak kontribui ba Liberdade impresa ho liberdade expresaun governu apoiu apoiu mak ida ne’e deit.
Nia hateten, iha duni dinamiku balun tanba sidadaun seidauk iha kuiñesimentu klean intelejensia forte maka’as uza media ne’e la’os sidadaun nia sala deit, Maibé governu ho estadu mós tenke asumi responsabilidade.
“Governu ho estadu tenke prepara nia sidadaun atu sai matenek no iha intelijensia hodi tama iha era dijital uza media ho di’ak, tanba prosesu ida ne’e tenke kontinua labele fó sala ba malu, bainhira iha sala” haktuir governante ne’e.Latu
