UNDP Ho SEFOPE Asina Karta Aseitasaun, Ajuda Vitima Inundasaun Iha Dili
Naunil Media(Dili), Sekrétariu Estadu Formasaun Profisíonal no Empregu (SEFOPE) asina karta aseitasaun ho United Nation Develompent Programme ( UNDP) hodi ajuda familia vitima hosi Aldeia 50 ne’ebé sofre ba Inundasaun iha fulan Abril liu-bá.
“Ohin ne’e asina karta aseitasaun entre SEFOPE ho UNDP kona-ba programa hamutuk servi komunudade, programa ne’e lansa ba komunudade aldeia hamutuk 50 iha Munisipiu Dili ne’ebé maka afeita ba inundasaun iha loron 4 fulan Abril tinan ne’e”, dehan diretór jeral Paulo Alves ba jornalista sira iha Salaun SEFOPE , Kaikoli, kinta (08/07).
Diretor ne’e hatutan, objetivu prinsipl hosi atividade ne’e atu tulun Maluk refujiadu sira ne’ebé mak seidauk fila ba sira nia-hela fatin.
“Governu liuhusi SEFOPE Ministeriu Estatal servisu hamutuk ho UNDP lansa programa ne’e, atu fo apoiu ba ita-nia aldeia sira ne’ebé maka hetan inundasaun”, nia esplika.
Iha fatin hanesan Representante UNDP Lazima Onta Bhatta akresenta, total Fundu orsamentu ba atividade ne’e mai husi Governu Timor-Leste, maibe hetan osan husi banku Dezenvolvimentu Asiatiku iha Timor no hetan suporta husi Governu Japaun.
“Orsamentu ne’ebe apoiu ba maluk sira foin lalais hetan Dezastre, liu-liu Inundasaun ne’ebe maka akontese hodi estraga sira nia sasan, apoiu sira atu nune’e sira hetan netik rendimentu Uitoan”, dehan nia.
Reprezenta UNDP akresenta, Osan ne’e hamutuk Millaun 1 maibe iha mos apoiu husi Governu Korea fo 100 mill, husi UNDP 300 mill no TL Milaun ida husi Governu TL.
Entretantu Orsamentu ba servisu hamutuk ho komunidade ka cash for work ne’e hamutuk 1,300 mill. RIT
