Xefí Estadu Maíor F-FDTL, deklara PNTL Ho F-FDTL, Labele Kontrala Hotu Liña Fronteira

Naunil Média (Dili) Xefí Estadu Maior Falintil Forsa Defeza Timor-Leste (F-FDTL) Tenente Jeneral Lere Anan Timur, deklara nia-parte hasoru malu ho Prezidente Repúblika Francisco Guterres “Lú Olo” hodi Koalia Liu Kona-ba Corona Variante foun ne’ebé agora tama iha nasaun vizinu sira.

Hafoin termina enkontru Lere deklara Membru PNTL ho F-FDTL labele halo kontrola mesak iha lina Fronteira,maibe presiza mos kontribuisaun hosi komunidade sira.

“Ami hasoru ho Prezidente Repúblika ami rua ko’alia kona-ba situasaun rai laran liu-liu tanba agora ita hatene situasaun CoronaVariante foun ne’ebé ke agora la’o iha Indonézia ne’ebé ita nia maluk sira iha ne’ebá mós infrenta problemas too Austrália, entaun ami liu-liu ko’alia kona-ba ida ne’e halo oinsá para ita labele lori todan ba Variante foun ida ne’e”, dehan Funu Nain Lere Anan Timur, iha Palásiu Prezidente Nicolau Lobato Bairru Pite Kuarta (07/07).
Eiz Gerilleru Rejiaun uma ,Ponta Leste ne’e hatutan primeiru tenke reforsa seguransa iha fronteira maibé, polísia ho forsa de’it larezolve problema tanba, propriu komunidade ne’ebé iha liña fronteira mak fasilita ema tama sai Ilegal.
“Fasilita sira tama sai ida ne’e uluk kedas ha’u ko’alia ona katak envez de ita reforsa de’it siguransa fronteira ninian reforsa mós medidas purizemplu ema ne’ebé ke ultrapasa ilegal tama ilegal kuandu kaer ba karantina depois ba tribunal i fó mós ba sira ne’ebé ke fasilita”,tenik Lere.
Veternu ne’e deklarasira sei kria kondisaun liu-liu alozamentu ba membrus Polísia Nasionál Timor-Leste (PNTL) no membrus Falintil Forsa Defeza Timor-Leste (F-FDTL) nia kondisaun.jos