KRAM Sorumutuk ho Aútoridade Lokál, Diskute Lei Arte Marsiais
Naunil Media (Díli), Prezidenti Komisaun Reguladora Arte Marsias, (KRAM) Octavio Da Conceição, I sorumutuk ho autoridade lokal sira hodi kolia kona-bá regras implementasaun Arte Masiais.
“Atividade ne’e ba arte Masiais nian, atu rona lideransa komunitariu sira nia hanoin hodi hamosu Lei ba atividade arte Marsiais, hodi lori joven sira ne’ebé pratika arte Marsiais ba dezenvolvimentu Despotu”, Informa Prezidenti KRAM Octavio Da Conceição ba jornalista sira iha hotel Luz Clarita, sexta (09/07).
Nia hatutan, tempu badak sei iha lei ne’ebé rigorozu hodi regula GAM no KRAM iha obrigasaun atu kontrola.
“Atu kontrola Arte marsiais ne’e kompetensia KRAM nian hamutuk ho komandu PNTL no depois sei halo tuir Lei sira ne’ebé nesesariu ona iha KRAM, no iha tinan ne’e iha kompetensia propriu ba lei 5/2017, kona-bá fiskalizasaun ba atividade arte marsiais nian”, tatak nia.
Nia klarifika iha orgaun Arte Masiais ruma mak komete infrasaun ruma Lei mak sei regula sira.
“Karik iha infrasaun ruma mak komete husi orgaun Arte Marsiais sira, ita sei regula ho lei sira ne’ebé mak governu sei halo, KRAM iha planu sei halo Lei no aprezenta ba Konsellu Ministru iha fulan Outubru, tanba lei ne’e sei iha pakote lezislasaun ha’at”, hateten nia.
Sei iha alterasaun ba lei nú 5/2017, iha parte seluk sei hamosu lei propriu kona-bá koimas hodi kontrola ba atividades arte marsiais nian, Dehan nia.
“Prosesu lei hirak ne’e sei iha konsulta públika, liu husi forum diskusaun públika ba lideransa nasionál sira, no partidu politíka sira, lideransa arte marsiais sira, orgaun juventude sira, dadus provizoriu ba Arte Marsiais ne’ebé dadau ne’e KRAM rezista.
Hanesan Organizasaun Persaudara Setia Hati Terate (PSHT) iha ona lezitimidade internal ba organizasaun nian, hodi hetan omologasaun husi Sua Eselensia SEJD hodi halo rekomendasaun ba notariadu ba organizasaun seluk”, nia hakotu.JJF
