SEKOMS Lansa “Livru Politik Berdarah Timor-Leste no Lalehan Tanis”
Naunil Media (Díli), sekretáriu Estadu Komunikasaun Sosial (SEKOMS sigla portugés), Merício Juvinal dos Reis “Akara” lansa livru rua “livru Politik Berdarah Timor-Leste no Lalehan Tanis” husi hakerek na’in Elidio Agusto Guterres.
Tuir Sekretáriu Estadu Komunikasaun Sosial (SEKOMS) Merício Juvinal dos Reis “Akara” Hateten joven ida dedika nia a’an tomak hodi hakerek buat ne’ebé mak la’os fasil tanba joven barak gasta tempu liu ba platafoma dizitalizasaun.
” Apresia ba autor joven ida dedika nia a’an tomak ba hakerek buat ne’ebé mak la’os fasil, tanba agora joven ne’e nia gosta de’it mak tiktok no Facebook no platafoma digital agora barak. Entaun ladun fó tempu ba asuntu sira ne’ebé mak importante mas nia fó nia tempu hanesan uniku uituan, maibé ne’e inspira maske ita iha platafoma digital maibé nia uza platafoma konvesional” Dehan Sekretáriu Estadu Komunikasaun Sosial ba jornalista sira liu husi nia diskursu iha salaun CNC, sesta (09/07).
Sekretáriu estadu mós apresia tebes ba Centro Nacional Chega (CNC), sempre prontu atu fasilita joven sira nia kriatividade oferese fatin.
” Apresia tebes CNC tanba sempre oferese fatin ba joven sira hodi halo sira kriatividade, oferese fatin halo diskusaun ha’u hanoin Chega halo buat positivu barak hodi fó hanoin mai ita, para keta haluha ita nia istória iha prosesu naruk ne’ebé mak ita liu tó agora”, Dehan nia.
Iha Fatin hanesan hakerek na’in ba livru rua “Livru Politik Berdarah Timor-Leste no Lalehan Tanis” hateten nia hakarak hakerek no hakarak duni atu hatene istória Timor-Leste.
” Primeru ha’u hakarak dezenvolve ita nia istória, tanba ha’u gosta hakerek dezde ha’u sei iha seminariu tó agora, ha’u nia objetivu prinsipal mak ne’e, no ha’u hakarak doko mentalidade joven Timor-leste sira nian katak hakerek no lee ne’e importante”, katak nia.
Nia mós infoma husi livru ne’ebé mak hakerek iha pontu importante mak, koalia kona-bá konflitu entre partidu no lider politíku sira no oinsa atu halo rekonesimentu.
“Politik Berdarah Timor-Leste ne’e pontu importante mak konflitu entre partidu, i segundu ha’u analiza konflitu ida ne’e ho teória rekonesimentu, tanba ha’u haree konflitu ne’ebé iha, laiha rekonesimentu entre partidu no lider politíku sira, iha buat tolu ne’ebé mak iha teória ne’ebá maka: Domin, Legalidade no Solidariedade tenke ka’er buat tolu ne’e, atu rezolve problema”, Nia dehan.
Joven Elidio ne’e mós husu ba joven sira hahú ohin ba oin tenke hadomi Lee no hakerek. San
