Ohin SIJK Rejita Kazu Covid-19 foun-56, Rekoperadu-65, Kazu-Ativu 906
Naunil Media (Díli), Koordenadór Forsa-Tarefa ba Prevensaun no Mitigasaun Surtu Covid-19 iha Timor-leste, Liu husi Centro Integrado Gestão de Crises, Sala Situação (CIGC-SS- sigla portugés), Rui Maria de Araújo, Informa ohin rejista kazu Covid-19 56, no rekoperadu 65, no kazu ativu 906.
“Kazu detetatu foun ne’ebé relata ohin dia 10 de Jullu de 2021, iha Díli 50 iha munisípiu seluk 6, husi total kazu detetadu foun ohin mane 35, no feto 21, husi total kazu detetadu foun ohin, hirak ho tinan entre 12-59 nain 95 (7,14%), ho tinan 60”, Dehan Koordenador Forsa-Tarefa ba Prevensaun no Mitigasaun Surtu Covid-19 Rui Maria de Araujo ba Jornalista sira via de komunikadu imprensa, sabadu (10/06).
Eis Primeiru Ministru Rui Maria de Araújo relata, Husi total kazu detetadu foun ohin, proporsaun kazu sintomátiku hamutuk 7,14%.
Husi horiseik mai ohin, loron 10 de Jullu, hamutuk hotu Laboratóriu Nasionál Saúde halo 662 testes PCR iha Díli.
“Ho detalles hanesan tuir mai: Vijilánsia sentinela 24, Rastreiu ba kontaktu, Contact tracing 128, rastreiu Aleatóriu (Random Screening 69 viajen sai husi serka sanitária munisípiu Díli 413, Viajen internasionál 8, Follow up iha quarentena (20)”, Salenta Eis Ministru Saúde Rui Maria de Araújo.
Total testes PCR ne’ebé halo horiseik tó mai loron 10 fulan Jullu, iha munisípiu sira seluk , REAOA & HNGV, amutuk 289, ho detalle hanesan tuir mai Baucau 83, Ermera (53), Maliana 21, Maubisse 64 , RAEOA 0, Suai 9, Viqueque 20, HNGV 34.
Rui Apela ba populasau Timor-Leste, aprezenta an iha fasilidade saúde públiku, Sentru Saúde ka hospitál ne’ebé besik, wainhira sente isin- manas, kakorok moras, inus-been, mear, bele hetan atendimentu husi profisi onál saúde sira nune’e bele hetan atendimentu.
Ikus nia dehan, populasaun Timor-Leste, favor respeita nafatin regra prevensaun no ijiéne individual, ne’ebé Governu hatu’ur ona, atu prevene moras Covid-19 da’et ba Ma ka hanesan uza maskara fase liman beibeik ho sabaun ka dezinfetante ruma evita kose liman ba matan, inus ho ibun; wainhira kumprimenta malu, la presiza ka’er liman, bensa-liman, rei- malu ka haku’ak malu, evita halibur malu barak hamri’ik ka tur do’ok h usi ema seluk, mínimu metru ida ho balun.
Total kazu ativu ohin, loron 10 fulan Jullu 2021, 56, Total kazu konfirmadu kumulativu iha fulan Jullu 2021.906 (sura husi 21 Marsu 2020), 9766.Total óbitu 19. IVO
