FONGTIL: Estadu Tenke halo Relatóriu Direitus Humanus iha TL
Naunil Media (Díli), Diretór Forum ONG Timor-Leste (FONGTIL) Daniel Santos do Carmo, Husu estadu tenke halo relatóriu ba konsellu altu nivel kona-bá sitauasaun direitus humanus iha iha Timor-Leste.
“Atu fó balansau ba relatóriu husi governu nian kona-bá situasaun direitus humanus iha Timor-Leste, iha tinan ida ne’e NGO Forum halo parseiru ho ASEAN Parlamentar ita prepara relatóriu husi sosiedade sivil nian ba situasaun direitus humanus iha Timor-Leste, no iha tinan ida ne’e ita hakerek ona liberdade fundamental ba internet liu-liu off line ho online, emtaun ida ne’e mak FONGTIL nia parseru membru sira hodi prepara ita relatoriu”, Dehan Diretór FONGTIL Daniel Santos do Carmo ba jornalista sira iha salaun FONGTIL, sengunda (12/07).
Diretór ne’e hatutan, ohin ita halo aprezenta relatóriu hetan apresiasaun husi ita nia membru sira hanesan Autoridade Nacional Comunicõens (ANC), Asosiasaun Jornalista Timor-Leste (AJTL), Consellu Imprensa (CI), no akademíku sira, oinsa atu kompleta ita nia relatóriu sira atu haruka ba consellu altu nivel.
Nia dehan, pontu importante ne’ebé mak ita tau iha relatóriu oinsa liberdade imprensa públika ita nia imformasaun liu-liu liberdade espresaun nomós, oinsa liberdade espresaun ne’e buras no lalaok iha Timor-Leste.
“Iha Timor Leste ita mós hasoru dezafius, tanba estadu agora dadaun esforsu liu-liu husi Ministéiru Justica, hakarak hamosu lei kriminaliza defamasaun, hakarak hamosu tan lei jamarnetika, no iha tinan 2016 ita nia jornalista balun mós hetan julagamentu iha tribunal, tanba públika informasaun balun ne’ebé mak lalos iha altura ne’eba”, Haktuir nia.
Nia dehan, iha mós estudante balun hakarak halo movimentu, hakarak atu halo demostrasaun hasoru estadu Australia, tanba kondena ita jia advogadu widniskei ho nia advogadu kona-bá fó advogadu ba Timor-Leste, tanba autoridade sira la autoriza halo demostrasaun sira ne’e lao. Ina
