FONGTIL Konvida CAC Koalia Asuntu Ró Tranship II
Naunil Media (Díli), Forum Organizasaun Naun Governamental Timor-Leste (FONGTIL), konvida Sr. Adjuntu Comissão Anti Corrupção (CAC) atu partilla ho ONG ho rede sira liuliu liga ba papél CAC nian, espesifiku ba prevensaun no investigasaun.
Tuir Diretór Forum Organizasaun Naun Governamental Timor-Leste (FONGTIL), Daniel Santos do Carmo, Hateten objetivu diskusaun ohin atu rona lolos dezafiu ruma ne’ebé atu enfrenta liuliu liga ho prosesu investigasaun sira.
“Iha kazu korrupsaun dalaruma públiku halo deklarasaun ba media iha fatin-fatin katak, ita atu kombate korrupsaun iha ita nia rai. Ita hanoin katak instituisaun estadu ida ne’ebé estadu mak harii maka Comissão Anti Corrupção ho papél espesifiku ba prevene kombate korrupsaun iha ita nia rai”, Dehan Diretór Forum Organizasaun Naun Governamental Daniel Santos do Carmo ba jornalista sira liuhusi nia dialogu, iha Salaun FONGTIL, tesra (13/07).
Diertórr FONGTIL ne’e hatutan, ba kazu hotu-hotu liuliu kazu ró Tranship II, ró Haksolok nomós kazu distribuisaun Sexta bazíka, Kazu subsidiu $200.00 ne’ebé seidauk reembolsa ba estadu.
“Iha Timor-Leste odamatan bo’ot atu hetan justisa maka Ministériu Públiku, tanba ne’e mak CAC nia servisu atu ajuda Ministériu Públiku, bainhira Ministériu Públiku delega ba sira atu halo investigasau”, Katak nia.
Nia dehan, dalaruma sira bele halo ona investigasaun, mas sira nia informasaun hotu-hotu relatoriu husi investigasaun ne’e submete hotu ba Ministériu Públiku, depende ba MP mak sei kontinua prosesa ba kazu sira ne’e. Ho diskusaun ne’e, ita hatene katak atu kombate korrupsaun ne’e la’os de’it CAC mesak, maibé iha instituisaun seluk ne’ebe iha kompetensia bo’ot liu kompara ho CAC.
Nia haktuir, sira mós hanoin katak atu kontinua halo advokasia ba Parlamentu Nasionál hanesan reprezentante povu no haree. Atu harii instituisaun ida mais nia kompetensia la bo’ot, la fó kompetensia ba nia atu halo servisu. Nune’e hanesan instituisaun maibe husi parte ida sira desvaloriza tanba la fó kompetensia tuir bele kombate korrupsaun iha TL , no tenke fó kbi’it tuir lei ba CAC.
“Ida ne’e kompetensia PN no mós PM, entaun Ministériu Públiku tenke halo komunikasaun di’ak, ativu, agresivu ho CAC para evita konflitu de interese iha rai ida ne’e”, Katak nia. San
