Horta Deklara FKTL Halo Uma Ba Kbiit Laek Kualidade Liu
Naunil Media (Dili), Eis Prezidente da Repúblika José Ramos Horta ba vizita oan kiak nain rua Nia uma ne’ebe konstrui husi Forum Karidade Timor Leste (FKTL).
Hafoin termina vizita Horta deklara uma ba kbiit laek sira ne’ebé halo Hosi FKTL kulaidsde liu governu nian.
“Ha’u Mai hakarak hare’e uma-ne’e nia-kualidade oinsá, kualidade di’ak duni mesmu orsamentu ne’ebé Kiik loos, ita fó parabens ba sira, tanba ha’u hatene no iha esperensia halo uma nune’e, dala barak uluk nu’udar prezidensia halo iha Dili laran deit atus Ida resin iha Atauro Same no Manatutu ne’eba, Maibe ha’u hare Ida ne’e kualidade di’ak Liu ne’ebe mak uluk Ha’u halo ne’e” dehan Horta iha Suku Madohi Beto postu administrativu Dom Aleixo Munisipiu Dili, Tersa, (13/07).
Laureadu Novel Da paz ne’e deklara FKTL organiza hosi estudante universitariu ne’ebé ho sira nia inisiativa ho fuan hodi ajuda oan kiak sira iha komunidade iha Dili no iha fatin seluk tan.
“Ha’u hakarak hare ho matan sira servisu saida, ne’e diak tanba hau hare joventude universitariu no sekundariu sira tenki bok an hodi mobiliza an para ajuda, labele Hein deit Governu, emabaixadas no Nasoens Unidas”. dehan nia.
Nia deklara , Primeiru atu ajuda ema seluk tenki hahú ho voluntariu duni no servisu gratuitu, labele heein fali ema ruma atu fo osan mak Ita atu halo buat ruma.
Aleinde ne’e Prezidente ezersisiu FKTL Miguel Ornai hateten katak, FKTL hari tinan lima ona komesa iha Tinan 2017 ate Agora.
“Ami sedidauk hetan vizita husi Lider nasional ida hanesan doutor Jose Ramos Horta, Maibe ohin halo makrka istoria Dala Ida tan no nia Marka prezensa Ida ohin bazea ba horseik ami hasoru nia iha Nia gabineti iha farol, entaun ami esplika ba Nia konaba ezistensia FKTL nian durante tinan lima saida mak ami halo”. Dehan prezidenti FKTL
Prezidentu FKTL, senti orgullu Tanba Sira nia organizsaun hetan valor hosi lidernasa sira nia observasaun.
“Ami senti onradu loos tanba ohin nia kolia no louva los ami katak ne’e kualidade liu governu nian, ne’e Ami senti katak ne’e apresiasaun Ida ba ami kolega voluntariu hotu tanba maske ami nia grupu ne’e voluntariu mai husi estudante joventude Maibe halo buat ida ne’ebe diferente saida Mak governu halo”,esplika nia.
Prezidente FKTL ne’e deklara, orsamentu ne’ebe FKTL halo uma ba oan ki’ak nain-2 iha Beto total ho montante $2.300 resin bazea ba teknika ne’ebe fo sai. LTS
