Eskola Seida’uk Tama “Cris” Aproveita Fa’an Ropa Haleu Taibesi
Naunil Média (Díli), Cris Santos Mamu ho idade Sanolu Resin Lima (15), Dadaun ne’e tu’ur iha kadeira klase sextu anu, iha Eskola Pre-Primaria Aituri Laran, ho vontade aproveita tempu hodi ajuda inan aman fa’an ropa lori haleu merkadu taibesi tanba Eskola seidauk reativa.
Cris Santos aproveita tempu ida ne’e hodi halo aktividade fa’an ropa lori la’o iha merkadu taibesi, bainhira eskola tama fila fali bele sustenta nia nesidade durante eskola.
Estudante ho idade 15 ne’e, maun alin hamutuk nain lima Cris hanesan oan da ha’at husi maun alin nain ha’at ne’e ho vontade rasik halo aktividade ne’e la’os obriga husi familia uma laran.
“Hau ho vontade rasik hola ropa rasik hodi fa’an tutan fali, atu hetan netik osan nune’e eskola tama fila fali bele atende hau nia neseisidade eskola nian ne’ebé presija” Dehan Cris Santos Manu, ba Naunil Média iha Merkadu Taibesi, Quinta, (15/07).
Nia haktuir ropa ne’ebé fa’an kada loron hetan rendimentu dolar lima dala ruma la to’o, Rendimentu ne’ebé nia hetan husi aktividade fa’an ropa ne’e, Sei tau hamutuk sosa fali ropa hodi fa’an tutan fila fali.
“Hau nia inan aman laiha servisu hau tenke fa’an ropa lori haleu merkadu atu bele rai osan oituan-oituan nune’e eskola tama fila fali hau bele uza,” haktuir Cris Santos.
Maske ho idade ne’ebé sei nurak maibé komesa luta ba nia futuru oinsa atu hetan osan hodi sustenta a’an rasik iha futuru.
Ida ne’e mak Cris Santos nia aktividade ne’ebé nia hala’o durante implementasaun Estadu emerjensia ho serka sanitaria nia laran. Mik
