Kadernu Padraun Ba Lisensiatura Hetan Ona Aprovasaun hosi Despaisu Ministerial
Naunil Media (Dili), Ministru Ensinu Superior Siensia no Kultura (MESSK) Longinhos dos Santos, deklara Kadernu padraun ba lisensiatura hetan ona aprovasaun hosi Despaisu Ministerial ho númeru 10/GM/MES/II/2020.
Ministru ne’e hateten, Objetivu prinsipal ba kadernu padraun Lisensiamentu ba Ensinu superior ne’e mak atu bele garantia Ensinu superior ne’e rasik, no objetivu Ida seluk mak kria lina orientasaun Ida para atu bele halo avaliasaun proposta Lisensiamentu instituisaun ba Ensinu superior Sira ne’ebe mak foun tuir lei ne’ebé mak la’o ona.
“Kadernu padraun Lisensiamentu ba Ensinu superior ida ne’e kria bazea ba rekezitus Sira ne’ebé hatur ona iha dekretu lei numeru 8/2010 kona-ba rezimi juridiku Ensinu superior nian, no mos bazea diploma ministerial 13/GM-ME/II/2017 kona-ba Lisensiamentu instituisaun esnsinu superior Sira” deklara Longuinho ba jornalista iha Salaun INFORDEPE, kinta (15/07).
kadernu padraun Lisensiamentu ba Ensinu superior ne’e hetan ona aprovasaun husi despaisu ministerial numeru 10/GM-MES/II/2020 ne’ebé mak hatur regras para atu bele halo avaliasaun proposta ba lisensiamentu instituisaun ba Ensinu superior foun Sira.
“Iha tinan kotuk 2018 to’o 2021 Ida ne’e ita iha instituisaun ne’ebé mak Ita fo ona Lisensiamentu tuir kadernu padraun ne’ebé mak iha hanesan instituisaun Joao Saldania, Dom voa Ventura iha Betano, Joao Brito iha kasait inklui mos institutu politekniku iha Betano” nia sublina.
Aleinde ne’e Reitor Instituisaun Superior Cristal (ISC) Sebastião Perreira Lamenta, kona-ba Lisensiamentu ba instituisaun foun sira lei despaisu ministerial orienta katak Universidade ne’ebé atu Loke foun tenki priense rekezitus Sira ne’ebé fo sai.
“Ita tenki prepara buat hotu ne’ebe relasaun ho instituisaun Ensinu superior ninian ne’ebé padraun parte husi ministeriu tuir lei diploma ministerial publika iha jornal da Republika”, Dehan Reitor. LTS
