Loron Nasionál KFP, PR Agradese Funsionariu Ho Ajente Públiku

Naunil Média (Díli), Prezidente da Republika Francisco Guteres Lu-Olo hato’o agradesimentu ba funsionariu ho ajentes públikus sira hotu ne’ebé hola parte Governu ho Intituisaun Autonomu Estadu nian.

“Ha’u aproveita okaziaun ida ne’e hodi hato’o ha’u nia agradesimentu ba funsionáriu no ajente públiku sira hotu ba esforsu tomak no empeñu husi ida-idak, Ne’ebé servisu iha instituisaun sira ne’ebé halo parte Governu no instituisaun autónoma Estadu nian” Dehan Prezidente Republika Francisco Guteres Lú-Olo, iha diskursu selebrasaun loron Nasionál Komisaun Funsaun Publika (KFP), iha salaun CNE, Quinta (15/07).

Prezidente Repúblika no sidadaun hotu-hotu sei la haluha imi nia kriatividade, dedikasaun no empeñu tomak iha ita-bo’ot sira-nia kna’ar loron-loron nian.

“Hau hein efisiénsia no kualidade liu husi instituisaun públika no autónoma sira no husi funsionáriu no ajente públiku ida-idak husi ohin ba oin. Hein mós husi Ita-bo’ot sira nia respeitu ba prinsípius legalidade, transparénsia no imparsialidade hanesan dalan hotu-hotu nian atu servi di’ak liután ita-nia Estadu no Povu tomak” Haktuir Lú-Olo.Ana